ԵՐԵՎԱՆ, 10 օգոստոսի– Sputnik. Երևանում օգոստոսի 10-14-ին սպասվում է առանց տեղումների եղանակ: Օգոստոսի 14-ին Երևանում ցերեկային ժամերին օդի ջերմաստիճանը կհասնի 40 աստիճանի։ Այս մասին հայտնում է Հայպետհիդրոմետ ծառայությունը։
Օդի ջերմաստիճանն օգոստոսի 10-12-ին աստիճանաբար կբարձրանա 4-6, Լոռիում, Տավուշում, Սյունիքում և Արցախում` 8-10 աստիճանով:
Ինչպես նշված է հաղորդագրության մեջ, օգոստոսի 10-13-ին հանրապետության տարածքը կգտնվի արևադարձային տաք օդային հոսանքների ազդեցության գոտում, հատկապես հովտային և նախալեռնային գոտիներում սպասվում է բարձր ջերմային ֆոն և բարձր կարգի հրդեհավտանգ իրավիճակ, գյուղատնտեսական մշակաբույսերի մոտ կդիտվի ջրազրկում, որից խուսափելու համար անհրաժեշտ է խիստ կերպով վերահսկել ոռոգման ռեժիմը:
Հանրապետության տարածքում օգոստոսի 10-14-ին սպասվում է առանց տեղումների եղանակ:
Քամին կլինի հարավային` 2-5 մ/վրկ, ամպրոպի ժամանակ սպասվում է քամու ուժգնացում‛ 15-20 մ/վրկ արագությամբ:
Ազգաբնակչությանը խորհուրդ է տրվում խուսափել ֆիզիկական ակտիվությունից և արեգակի անմիջական ճառագայթների տակ գտնվելուց, հատկապես առողջական խնդիրներ և բաց մաշկ ունեցող անձանց։
Երևանում օդի ջերմաստիճանը կհասնի 40 աստիճանի
10:30 10.08.2015 (Թարմացված է: 10:51 10.08.2015)
© Sputnik / Григорий Сысоев
/ Բաժանորդագրվել
Օգոստոսի 10-13-ին հանրապետության տարածքը կգտնվի արևադարձային տաք օդային հոսանքների ազդեցության գոտում
