ԵՐԵՎԱՆ, 9 օգոստոսի– Sputnik. Հայտնի էքստրասենս Անի Մաջնունյանի սպանության մեջ կասկածվող, Երևանի 20–ամյա բնակիչ Մուշեղ Մխիթարյանին մեղադրանք է ներկայացվել ՀՀ ՔՕ 104–րդ հոդվածի 2–րդ մասի 8–րդ կետի հատկանիշներով (սպանությունը` զուգորդված թալանով), հաղորդվում է ՀՀ քննչական կոմիտեի կայքում։
Ինչպես նշվում է հաղորդագրության մեջ, հանցագործության դրդապատճառները պարզվել են, դատարանն արդեն բավարարել է կասկածյալին կալանավորելու մասին քննիչի ներկայացրած միջնորդությունը։
Քննչական կոմիտեն հաղորդում է, որ նախաքննությունը շարունակվում է։ Կատարվում են անհրաժեշտ քննչական և դատավարական գործողություններ՝ սպանության բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ։
«Վեցերորդ զգայարան» հայտնի շոուի մասնակից, 55–ամյա Անի Մաջնունյանին օգոստոսի 5–ին սեփական բնակարանում սպանված էին գտել։ Մաջնունյանի մարմնի վրա դատաբժշկական փորձագետները գտել էին 58 վնասվածք։
Սպանված կնոջ բնակարանը տակնուվրա էր արված, տարբեր կողմեր էին նետված կահույքի դարակները, հագուստը և այլ իրեր թափթփված էին սենյակով մեկ:
Մաջնունյանը հայտնի հիրոմանտ էր, գուշակ, զբաղվում էր այլընտրանքային բժշկությամբ։
Հայ էքստրասենսի սպանության մեջ կասկածվողին մեղադրանք է ներկայացվել
© Официальная страница в Фейсбуке
Բաժանորդագրվել
ՀՀ քննչական կոմիտեն հաղորդում է, որ հաջողվել է պարզել հայտնի էքստրասենս Անի Մաջնունյանի սպանության հանգամանքներն ու դրդապատճառները
