ԵՐԵՎԱՆ, 7 օգոստոսի– Sputnik. Քիմ Քարդաշյանը սելֆի է արել ԱՄՆ նախագահի թեկնածու Հիլարի Քլինթոնի և Քանյե Ուեսթի հետ։ Լուսանկարը հրապարակվել է Քարդաշյանի Instagram–ում։ Լուսանկարն ուղեկցվում է #HillaryForPresident հեշթեգով (Հիլարին` նախագահ), հաղորդում է Lenta.ru-ն։
«Հուզվում եմ մեր ապագա նախագահի` ԱՄՆ–ի առաջին կին նախագահի հետ հանդիպումից առաջ։ Միգուցե նա համաձայնի սելֆի անել ինձ հետ»,– հանդիպումից առաջ գրել է Քարդաշյանը։
Ավելի ուշ նա հրապարակել է Քլինթոնի հետ լուսանկարը և գրել. «Ստացվեց։ Ես սիրում եմ լսել նրա ելույթները և այն, թե ինչպիսի նպատակներ է նա դնում մեր երկրի համար»։ Մեկնաբանությունն ուղեկցվում է #HillaryForPresident հեշթեգով (Հիլարին` նախագահ)։
