ԵՐԵՎԱՆ, 7 օգոստոսի– Sputnik. Վերջին տվյալներով` Քաբուլում ականապատ բեռնատարի պայթյունի ժամանակ վիրավորվել է 400 մարդ, հաղորդում է TOLO News հեռուստաալիքը` հղում անելով Աֆղանստանի առողջապահության նախարարության ներկայացուցչին։
Ավելի վաղ հաղորդվել է 198 տուժածների մասին։
Առողջապահության նախարարության աշխատակից Վահիդուլլա Մայարը հաղորդել է, որ տուժածների մեծամասնությունը թեթև վնասվածքներ են ստացել ապակիների բեկորներից։
Զոհերի թվի մասին ստացվում են հակասական տվյալներ։ Ռոյթերս գործակալությունն ավելի վաղ հաղորդել է 15 մահացածների մասին, այլ ԶԼՄ–ներ հաղորդում են 7-8 զոհերի մասին։
Պայթյունը տեղի է ունեցել Քաբուլի արևելքում` Շահ–Շահիդ թաղամասում։ Ենթադրվում է, որ ահաբեկչության նպատակը եղել է պաշտպանության նախարարության օբյեկտներից մեկը։ Պայթյունը վնասել է մի քանի շենքեր, դրանք փլատակների տակ կարող են մարդիկ լինել։
Քաբուլում տեղի ունեցած ահաբեկչության ժամանակ տուժել է շուրջ 400 մարդ
© Sputnik / Даниил Колодин
/ Բաժանորդագրվել
Աֆղանստանի մայրաքաղաք Քաբուլի արևելքում` Շահ–Շահիդ թաղամասում, ահաբեկչության հետևանքով մահացածների մասին տեղեկությունները խիստ տարբերվում են։ ԶԼՄ–ների տվյալներով` մահացել է 7-15 մարդ։
