Համահայկական վեցերորդ խաղերի շրջանակում Գոլֆի մրցումների առաջին փուլը կայացել է հինգշաբթի «Վահագնի» էլիտար թաղամասից ոչ հեռու գտնվող Ararat Valley Country Club երևանյան գոլֆ ակումբում։
Ինչպես «Sputnik-Արմենիա» պորտալին հայտնել է Հայաստանի գոլֆի ազգային ասոցիացիայի գլխավոր քարտուղար, մրցաշարի մասնակիցներից մեկը` Կարեն Հովհաննիսյանը, գոլֆի միցումներին մասնակցում է 21 խաղացող 11 երկրներից (16 տղամարդ և 5 կին)։
Հայաստանը ներկայացնում են երեք տղա և մեկ աղջիկ։ Գոլֆիստների թվում են նաև մարզիկներ Շվեդիայից, Ռուսաստանից, Ավստրալիայից, Ուկրաինայից, Ֆրանսիայից և այլ երկրներից
Գոլֆի մրցաշարի հերթական փուլերը կանցկացվեն օգոստոսի 7–ին, 9–ին և 10–ին։ Պարգևատրման արարողությունը կանցկացվի օգոստոսի 10–ին։
Հայաստանում և Լեռնային Ղարաբաղի Հանրապետությունում օգոստոսի 3-13–ն անցկացվում են Համահայկական ամառային վեցերորդ խաղերը, որոնց մասնակցում է ավելի քան 6.35 հազար հայ մարզիկ աշխարհի 36 երկրների տարբեր քաղաքներից։
