Լավրովը հիշեցրել է, թե որ երկիրն է ՄՆ17–ի կործանման վերաբերյալ տվյալներ ներկայացրել

ՌԴ արտաքին գործերի նախարար Սերգեյ Լավրովը Կուալա–Լումպուրում կայացած АСЕАН համաժողովի շրջանակում հիշեցրել է, որ Ռուսաստանը միակ երկիրն է, որը ռադարների տվյալներ է ներկայացրել ՄՆ17–ի կործանման վերաբերյալ

ՌԴ ԱԳՆ ղեկավարը քննադատել է մյուս երկրների անգործությունը

«Մեր ամերիկացի գործընկերներն ասում են, որ արբանյակներից ստացված լուսանկարներ ունեն, որոնք այդպես էլ չեն հրապարակում։ Ուկրաինացիներին բազմիցս խնդրել ենք ներկայացնել ավիակարգավարների, հսկիչ աշտարակի և այդ օրը տվյալ հատվածում օդում եղած ինքնաթիռների միջև զրույցների ձայնագրությունները, բայց դա էլ չի արվել»,– ասել է նախարարը։
 
Մալայզիական ավիաընկերության Ամստերդամ–Կուալա Լումպուր չվերթի Boeing 777 ինքնաթիռը վթարի էր ենթարկվել նախորդ տարվա հուլիսի 17–ին Դոնեցկի մարզում։ Ինքնաթիռում եղած բոլոր 298 ուղևորները մահացել էին։ Կիևը վթարի համար մեղադրել էր աշխարհազորայիններին, բայց նրանք հայտարարել են, որ չունեն այնպիսի միջոցներ, որոնցով կկարողանային ոչնչացնել օդանավն այդպիսի բարձրության վրա։ Նիդեռլանդների անվտանգության խորհրդի` վթարի պատճառների վերաբերյալ վերջնական զեկույցը կհրապարակվի 2015 թ.–ի հոկտեմբերի առաջին կեսին։

Մալայզիայում օգոստոսի 5-6–ն անցկացվում են Հարավ–Արևելյան Ասիայի (АСЕАН) պետությունների ասոցացման գծով ամենամյա միջոցառումները` Ռուսաստան- АСЕАН նախարարական խորհրդակցությունը, Արևելասիական գագաթնաժողովի անդամ պետությունների արտաքին քաղաքական գերատեսչությունների հանդիպումը (ВАС), Անվտանգության АСЕАН տարածաշրջանային համաժողովի 21–րդ նստաշրջանը։