ԵՐԵՎԱՆ, 5 օգոստոսի – Sputnik. Հայաստանում Ռուսական գրքի տանը նոր գրականություն է պետք ռուսաց լեզվի անվճար ուսուցման և մշակութային կենտրոնների ավելի արդյունավետ աշխատանքի համար։
Օգոստոսի 5–ին մեկնարկած այդ ակցիայի ընթացքում մենք ուզում ենք մեր դասախոսների, մեր դասընթացների մասնակիցների և մասնակցել ցանկացողների համար գրքեր հավաքել` սկսած սեպտեմբերից։ Արդեն ավելի քան 200 հազար հայտ ունենք։ Անհրաժեշտ է պատմական, ռուսալեզու, ուսումնական և մեթոդիկ գրականություն»,– չորեքշաբթի հայտնել են Ռուսական գրքի տանը։
Ինչպես ասվում է հաղորդագրության մեջ, ավելի ուշ կկազմակերպվի գրքերի հավաքագրում երեխաների համար, ովքեր ցանկանում են հայոց լեզու ուսումնասիրել Ռուսաստանի Դաշնությունում։
«Ռուսական գրքի տուն» մշակութային կենտրոնները գործում են Երևանում, Արտաշատում և Գյումրիում ԱՊՀ երկրների երիտասարդության միության նախաձեռնությամբ «Առաջ, Ռուսաստան և Հայաստան» ռուս–հայկական բարեգործական հիմնադրամի հետ համատեղ։ Այդ կենտրոնների հիման վրա բացվել են նաև ռուսաց լեզվի անվճար ուսուցման կենտրոններ։
2012 թվականին Ռուսաստանի Դաշնության նախագահի աշխատակազմի ղեկավար Սերգեյ Իվանովի օժանդակությամբ Հայաստանի բոլոր մարզերում հանդիսավոր բացվել են ռուսաց լեզվի անվճար ուսուցման 103 կենտրոններ։
Ծրագրին մասնակցում են ռուսաց լեզվի բարձրակարգ դասախոսներ, որոնցից 200–ը որակավորման բարձրացման դասընթացներ են անցել Ժողովուրդների բարեկամության ռուսական համալսարանում, իսկ 140 մասնագետներ մասնակցել են Ալեքսանդր Պուշկինի անվան ռուսաց լեզվի պետական ինստիտուտի որակավորման բարձրացման դասընթացների։
«Ռուսական գրքի տունը» Հայաստանում ռուսական գրքերի հավաքագրման ակցիա է հայտարարում
© Sputnik / Сергей Пятаков
/ Բաժանորդագրվել
«Ռուսական գրքի տուն» մշակութային կենտրոնները գործում են Երևանում, Արտաշատում և Գյումրիում
