Արգելվել է Հայաստան խոշոր եղջերավոր կենդանու մսեղիքի ներմուծումը

ԵՐԵՎԱՆ, 5 օգոստոսի – Sputnik. ՀՀ ԳՆ սննդամթերքի անվտանգության պետական ծառայությունը խստացրել է սահմանային հսկողությունը անձնական օգտագործման մսեղիքի նկատմամբ, չորեքշաբթի հայտնել է գերատեսչության մամուլի ծառայությունը։ 

ՀՀ առողջապահության նախարարությունը չորեքշաբթի հայտնել է, որ լաբորատոր ուսումնասիրությունները սիբիրախտ են ախտորոշվել Հայաստանի Արմավիրի շրջանի Արտամեդ գյուղի երկու բնակիչների մոտ։ Սննդամթերքի անվտանգության պետական ծառայության ձեռնարկած միջոցառումների ընթացքում պարզվել է, որ հիվանդության պատճառը մսեղիքն է դարձել, որը ներկրվել է Վրաստանի Նինոցմինդա շրջանից։

«ՀՀ ԳՆ սննդամթերքի անվտանգության պետական ծառայության պետի հրամանով՝ 2015 թվականի օգոստոսի 5-ից մինչև օգոստոսի 19-ը արգելվել Հայաստանի Հանրապետության Բագրատաշենի, Բավրայի և Գոգավանի սահմանային անցման կետերից անձնական օգտագործման համար խոշոր եղջերավոր կենդանու մսեղիքի ներմուծումը», – նշված է հաղորդագրության մեջ։

Մամուլի հաղորդագրության համաձայն, որոշումը պայմանավորված է ներկրվող մսեղիքի նկատմամբ հսկողությունը խստացնելու և սիբիրախտ հիվանդության հնարավոր ներթափանցումը կանխելու հանքամանքով:

Սիբիրյան խոցը սուր ինֆեկցիոն հիվանդություն է, որը ժամանակին օգնություն չցուցաբերելու պարագայում կարող է մահացու լինել։ Այն մարդուն փոխանցվում է վարակված մսամթերքից և դրանից մշակած արտադրանքից` մորթուց և կաշվից։ Օդակաթիլային ձևով այն չի փոխանցվում։