ԵՐԵՎԱՆ, 5 օգոստոսի – Sputnik. Այսօր՝ օգոստոսի 5-ին, Երևանում սպանել են «6-րդ զգայարան» հաղորդման էքստրասենս Անի Մաջնունյանին։ Այս մասին «Sputnik Արմենիա» պորտալին հայտնեց ՀՀ ոստիկանության լրատվության և հասարակայնության հետ կապերի բաժնի աշխատակից Արմեն Մալխասյանը։
Օգոստոսի 5-ին ոստիկանության Մաշտոցի բաժին ահազանգ է ստացվել, որ Մազմանյան փողոցի շենքերից մեկի բնակարանում կնոջ դի կա: Ոստիկաններն ու քննիչները հայտնաբերել են բնակարանի տիրուհու` էքստրասենս Անի Մաջնունյանի դին։
Դեպքի վայր են ժամանել ոստիկանության Մաշտոցի բաժնի օպերատիվ խումբը` բաժնի պետ Դավիթ Սարգսյանի գլխավորությամբ, Հայաստանի քննչական կոմիտեի Երևանի քննչական վարչության Մաշտոցի քննչական բաժնի քննիչները` բաժնի պետ Սահակ Գրիգորյանի գլխավորությամբ:
Դեպքի վայր է ժամանել նաև Երևանի ոստիկանության պետ գեներալ-մայոր Աշոտ Կարապետյանը։
Երևանում սպանել են «6-րդ զգայարան» հաղորդման էքստրասենսին
19:54 05.08.2015 (Թարմացված է: 20:15 05.08.2015)
© Facebook
Բաժանորդագրվել
Դեպքի վայր են ժամանել ոստիկաններն ու քննիչները
