ԵՐԵՎԱՆ, 5 օգոստոսի – Sputnik. Ալժիրում բնակվող մի տղամարդ, որի անունը չի հրապարակվում, դատի է տվել իր կնոջը, երբ ամուսնական առաջին գիշերից հետո նրան տեսել է առանց դիմահարդարման, հայտնում է vesti.ru–ն։
Հետաքրքիրն այն է, որ մինչ ամուսնական արարողությունը փեսացուն անձամբ մի քանի անգամ շփվել էր հարսնացուի հետ և նրան բավական հմայիչ էր համարում։ Այժմ ալժիրցին պահանջում է, որ կինը 20 հազար դոլար վճարի խարդախության համար։
Առաջին ամուսնական գիշերից հետո ալժիրցի տղամարդը հայացք է գցել կնոջ կողմը, և երբ տեսել է նրան առանց դիմահարդարման, չի հավատացել սեփական աչքերին։ Կողքին պառկած է եղել բոլորովին անծանոթ մի կին։ «Ես այնպես վախեցա, որ անգամ կարծեցի, որ գող է տուն մտել», – ասել է տղամարդը և ավելացրել, որ այդ կինը հաստատ այն կինը չէ, որի հետ ամուսնացել է նախօրեին։
Որպես փոխհատուցում` խարդախության և բարոյական վնասի համար տղամարդը նախկին սիրեցյալից 20 հազար դոլար է պահանջում։
Փեսացուն դատի է տվել հարսնացուին, երբ նրան տեսել է առանց շպարի
© Photo : Unsplash / Beatriz Pérez Moya
Բաժանորդագրվել
Ալժիրցին կնոջից 20 հազար դոլար է պահանջում խարդախության համար
