ԵՐԵՎԱՆ, 5 օգոստոսի– Sputnik. Ռուսական կողմն աբողջական ծավալով չի ստանում Դոնբասում մալայզիական Boeing–ի ավիավթարի տեխնիկական քննության տվյալները, չնայած դրանք տրամադրվում են աղետի պատճառների բացահայտման գործում մասնակցող մնացած երկրներին, չորեքշաբթի հայտարարել է ՌԴ ԱԳ նախարար Սերգեյ Լավրովը։
«Ռուսական մասնակիցները չեն ստանում ողջ տեղեկատվությունը, որը տարածվում է այդ խմբի մնացած մասնակիցների շրջանում», – ասել է Լավրովը լրագրողներին Կուալա Լումպուրում։
Նախարարը նաև մեկնաբանել է պնդումներն այն մասին, թե Boeing–ը ոչնչացվել է ռուսական արտադրության հրթիռի կողմից։
Նրա խոսքով` դրա համար բավարար է վերլուծել ինքնաթիռը խոցած հրթիռի դետալները։ «Շատ հեշտ է հավաքել այդ դետալները, վերլուծել` բացահայտելու համար, թե որտեղ է արտադրվել կոնկրետ այդ հրթիռը և որ պետության բանակի սպառազինության կազմում է այն գտնվում», – պարզաբանել է Լավրովը։
Նա նշել է, որ նման բան չի արվել, և քննության մասնակիցները չեն դիմել «Ալմազ–Անտեյ» ռուսական կոնցերն, որն արտադրում է «Բուկ» ԶՀՀ–ն, որով, Կիևի և մի շարք արևմտյան երկրների պնդմամբ, խոցվել է մալայզիական Boeing–ը։
Լավրով. Ռուսաստանը բավարար տեղեկատվություն չի ստանում MH17–ի քննության մասին
© Sputnik / Игорь Маслов
/ Բաժանորդագրվել
ՌԴ ԱԳ նախարար Սերգեյ Լավրովի խոսքով` Դոնբասում մալայզիական Boeing–ի ավիավթարի տեխնիկական քննության ռուսական մասնակիցները չեն ստանում ամբողջ տեղեկատվությունը, որը տարածվում է այդ խմբի որոշ մասնակիցների շրջանում
