ԵՐԵՎԱՆ, 5 օգոստոսի–Sputnik. ՀՀ առողջապահության նախարարություն նախօրեին տեղեկատվություն էր ստացվել այն մասին, որ Արմավիրի մարզի Արտամեդ համայնքի 2 բնակիչ սիբիրյան խոց կասկածելի ախտորոշմամբ դիմել է Արմավիրի բժշկական կենտրոն, որտեղից հոսպիտալացվել են «Նորք» ինֆեկցիոն հիվանդանոց, հաղորդում է ՀՀ առողջապահության նախարարության մամուլի ծառայությունը։
Ըստ հաղորդագրության` հիվանդների մոտ նախնական ախտորոշվել էր սիբիրյան խոց: Նրանց վիճակը գնահատվում էր միջին ծանրության:
Կատարվել են նմուշառումներ, որոնց արդյունքում սիբիրյան խոցի դեպքերը լաբորատոր հաստատվել են։
«Հիվանդների ինքնազգացողությունը ներկայումս բավարար է, ունեն առողջացման դրական տեղաշարժ», – նշվում է նախարարության հաղորդագրության մեջ։
Առողջապահության նախարարության մամուլի ծառայությունից նաև նշել են, որ ձեռնարկված կանխարգելիչ և հակահամաճարակային միջոցառումները շարունակվում են:
Արմավիրի մարզում արձանագրված կասկածելի սիբիրյան խոցի դեպքերը լաբորատոր հաստատվել են
Բաժանորդագրվել
Ձեռնարկված կանխարգելիչ և հակահամաճարակային միջոցառումները շարունակվում են
