ԵՐԵՎԱՆ, 5 օգոստոսի– Sputnik. Երեկ հայկական ԶԼՄ–ները հայտնել են, որ օգոստոսի 4–ին «Էրեբունի» բժշկական կենտրոնում մահացել է հղի 23-ամյա Ջուլիետա Գասպարյանը, որին հիվանդանոց էին տեղափոխել Գյումրիից հուլիսի 31-ին ծայրահեղ ծանր վիճակում:
Շիրակի մարզպետարանի առողջապահության վարչության պետ Հովհաննես Հովհաննիսյանը, որ երիտասարդ կնոջը հուլիսի 31-ին տարել են Գյումրու ծննդատուն, որտեղ հետազոտել են, հրավիրել են էնդոկրինոլոգի ու կարդիոլոգի, նկատել են, որ նրա մոտ սրտի խնդիրներ կան, հաղորդում է Aravot.am-ը:
Նրան ուղարկել են մայրաքաղաք «Նորք-Մարաշ» բժշկական կենտրոն, Շիրակի մարզպետարանի առողջապահության վարչությունն էլ մեքենա է տրամադրել ու շատ արագ կազմակերպել է հղի կնոջը Երևան տեղափոխելու հարցը:
«Նորք-Մարաշ» բժշկական կենտրոնում, ըստ Շիրակի մարզպետարանի առողջապահության վարչության պետին հասած տվյալների, ախտորոշել են սրտի սեպտիկ էնդոկարդիտ: Նրան այս բուժհաստատությունից տեղափոխել են «Էրեբունի» բժշկական կենտրոն, որտեղ պտուղը հեռացել են՝ կնոջ կյանքը փրկելու համար, սակայն նրա կյանքը փրկել չի հաջողվել: Ըստ Հովհաննես Հովհաննիսյանի, Գյումրու ծննդատանը կինը մնացել է մի քանի ժամ, այստեղ բավական օպերատիվ են գործել, արագ կողմնորոշվել են, որից հետո մարզպետարանը կազմակերպել է ծննդկանի մայրաքաղաք տեղափոխվելը: Ըստ վարչության պետի,այս հիվանդությունը բավական վտանգավոր է, նման հիվանդությամբ, եթե անգամ սպորտսմենը տառապի, հաղթահարել չի լինի: Ըստ նրա, խոսքը այնպիսի մի հիվանդության մասին է, որի դեպքում անգամ սրտապարկն է բորբոքվում:
Գյումրիից Երևան տեղափոխված 23–ամյա հղի կինը մահացել է
10:45 05.08.2015 (Թարմացված է: 10:57 05.08.2015)
Բաժանորդագրվել
Հղի կնոջը «Նորք Մարաշ» բուժհաստատությունից տեղափոխել են «Էրեբունի» բժշկական կենտրոն, որտեղ կնոջ կյանքը փրկելու համար պտուղը հեռացրել են, սակայն նրա կյանքը փրկել չի հաջողվել
