Մարիամ Սեհպոսյանը հաղթել է Եվրոպայի առաջնության առագաստային մարզաձևում

ԵՐԵՎԱՆ, 3 օգոստոսի– Sputnik. Ռուսաստանցի Մարիամ Սեհպոսյանը ոսկե մեդալ է նվաճել առագաստային մարզաձևում, հայտնում է vesti.ru–ն։

Մրցումներն անցկացվել են Ֆրանսիայի Բրեստ քաղաքի օլիմպիական բազայում։ Մասնակցել են 17 երկրի մարզիկներ։

Մրցումներն անցկացվել են 48.152 կմ/ժ քամու ուժգնության պայմաններում և Մարիամ Սեհպոսյանին հաջողվել է տեղ հասնել  երկրորդը

Ընդհանուր առմամբ RS:X դասում անցկացվել է 11 որակավորման մրցություն, և վերջինը եղել է մեդալի համար։ Այս արդյունքը թույլ կտա մարզուհուն պահպանել առաջատար դիրքն ու առաջին տեղը նվաճել ռեգատայի արդյունքում:

Մարզիչ Միխայիլ Դուբինի խոսքով` «ռեգատան անցկացվել է թույլ և միջին քամիների պայմաններում, միայն մեդալային մրցարշավում է եղանակը թարմացել և մրցարշավն անցել է 48.152 կմ/ժ քամու ուժգնության պայմաններում։

Կազմակերպիչները կարողացել էին հարմարավետ գոտի ստեղծել մարզասերների համար, որոնց թիվը բավականին մեծ էր: Մարիամը հիանալի անցկացրեց ռեգատան` առաջատար դիրք զբաղեցնելով ամբողջ ընթացքում, և արժանացավ ոսկե մեդալի։ Տղաների առաջնությունում Մաքսիմ Տոկարևը զբաղեցրել է հինգերորդ տեղը»։

«Մեդալի համար մղվող մրցապայքարն արագ անցավ, քամին ուժեղ էր, և մենք բարձր արագության հնարավորություն ունեինք, իմ կարծիքով, 15 րոպեն մեզ բավականացրեց, – պատմում է Մարիամ Սեհպոսյանը, – Բերենիս Մեժեն իր վրա էր վերցրել նախաձեռնությունը, և ես միանգամից կառչեցի դրանից, որպեսզի միավորների առավելություն ստանամ։ Ինձ հաջողվեց վերահսկել ողջ մրցարշավը` նա հաղթեց մեդալի համար մղվող պայքարում, իսկ ես տիտղոս ձեռք բերեցի»։