Վրաստան այցելած մարդկանց ցանկում առաջատար են Հայաստանի քաղաքացիները

ԵՐԵՎԱՆ, օգոստոսի 3 – Sputnik. Վրաստան կատարած այցելությունների քանակով այս ամառ առաջատար են Հայաստանի քաղաքացիները. Հայաստանից Վրաստան է ժամանել 180.099 հազար մարդ։ Այս ցուցանիշը 11,9%–ով շատ է անցած տարվա ցուցանիշից։ Այս մասին  հայտնում է Sputnik Գռուզիան։

Երկրորդ տեղում են Ադրբեջանի զբոսաշրջիկները` 160.285 հազար մարդ (աճ 7,9%)։

Երրորդ տեղում է Թուրքիան` 2015 թվականի հուլիսին այցելել է 152.178 հազար քաղաքացի, ինչը 12%–ով շատ է անցյալ տարվա ցուցանիշից։

Ռուսաստանը զբաղեցնում է չորրորդ տեղը։ 2015 թվականին Վրաստան է այցելել 140.390 հազար քաղաքացի` 6,6%–ով շատ անցյալ տարվա հուլիսի համեմատ, օգոստոսի 3-ին հայտնել է Վրաստանի ՆԳՆ տեղեկատվական–վերլուծական բաժինը։

Ընդհանուր առմամբ հուլիսին Վրաստան է այցելել 737.696 հազար մարդ։