ԵՐԵՎԱՆ, 3 օգոստոսի – Sputnik. ԳԴՀ կանցլեր Անգելա Մերկելի անունից առաջացած բառը գերմաներենում դարձել է անբանության հոմանիշ, հայտնում է ՌԻԱ Նովոստին։
Խոսքը merkeln բայի մասին է, որը 2015 թվականին հարստացրել է գերմանացի երիտասարդների բառապաշարը։
Հայերեն տարբերակը կլինի մոտավորապես այսպես` «նմանվել Մերկելին» կամ հենց «մերկել»։ Բառարանների տպագրմամբ զբաղվող Langenscheidt հրատարակությունը merkeln բառի նշանակությունը ներկայացնում է հետևյալ կերպ` «ոչինչ չանել, խուսափել պատասխաններից և հարցի լուծումը թողնել հետոյի»։
Գերմանացիներն անչափ հավանել են նոր բառը, այդ պատճառով այն առաջին տեղն է զբաղեցրել Langenscheidt–ի ամենամյա մրցույթում։ Բառը նաև հավակնում է «Տարվա երիտասարդական բառ 2015» կոչմանը։
