ԵՐԵՎԱՆ, 3 օգոստոսի – Sputnik. Գավառում երեսնամյա տղամարդը միայնակ վնասվածքներ է հասցրել 6 հոգու, որոնց թվում նաև կին է եղել, հայտնում է Հայաստանի ոստիկանության մամուլի ծառայությունը։
Տուժածներից երեքը կտրած–պատռված վերքեր են ստացել գլխի ճակատային մասում, ունեն գագաթային շրջանի պատռվածքներ, ինչպես նաև աջ նստատեղի շրջանի կտրած ծակած վերքեր, մյուսների մոտ ախտորոշել են սալջարդեր, արյունազեղումեր և քթոսկրի կոտրվածք։ Նրանք բոլորը բուժօգնության են դիմել։
Հաղորդագրության համաձայն` Էմիլ Կ.-ն ինքնակամ ներկայացել է բաժին և տվել խոստովանական բացատրություն։
Տղամարդը պատմել է, որ ինքն է ծալովի դանակով մարմնական վնասվածքներ պատճառել տուժածներին։ Վիճաբանության ընթացքում նա ծալովի դանակով, բռունցքով և օդամղիչ ատրճանակի բռնակով հարվածներ է հասցրել տուժողներին` պատճառելով վնասվածքներ:
Տուժողներին տրվել են դատաբժշկի ուղեգրեր:
Հանգամանքները պարզվում են: Կատարվում է հետաքննություն:
Հայաստանցի «Չակ Նորիսը» միանգամից վեց հոգու է վնասել
16:41 03.08.2015 (Թարմացված է: 17:33 03.08.2015)
Բաժանորդագրվել
Տուժածների մոտ ախտորոշել են կտրած–ծակած վերքեր և արյունազեղում։ Նրանք դիմել են բժիշկների օգնությանը
