Հայաստանում ՌԴ բազայի տարածքում ծաղկաթմբեր և սիզամարգեր կհայտնվեն

ԵՐԵՎԱՆ, 3 օգոստոսի– Sputnik. Զինվորական թաղամասերի և զորմասային գոտուն կից տարածքների բարեկարգման մրցույթ է մեկնարկել Հայաստանի Հանրապետությունում Հարավային ռազմական օկրուգի 102–րդ ռուսական ռազմաբազայի ստորաբաժանումների շարքում, հաղորդում է ՀՌՕ մամուլի ծառայությունը։

Մրցույթն անցկացվելու է մեկ ամսվա ընթացքում Գյումրիի և Երևանի ռազմական կայազորների ավելի քան 20 թիմերի շարքում` միավորման հրամանատարի ղեկավարությամբ։

Մրցույթի բոլոր մասնակիցները կմշակեն բնակության վայրերին կից տարածքների լանդշաֆտային ձևավորումներ, որտեղ անպայման տարրեր պետք է լինեն 15 թմբեր ծաղիկներով, 10–ը`ծառերով, սիզամարգերի ցանում, քարերից զորային խորհրդաշնանների պատրաստում, շատրվաններ, դեկորատիվ շինություններ և ջրող սարքերի տեղադրում։

Մրցութային միջոցառումների ապահովման համար, միավորման նյութական ապահովման ստորաբաժանումը տարել է ավելի քան 20 տոննա գետաքար, շուրջ 200 լիտր գունավոր էմալ և տնկվել ավելի քան 3000 հոլանդական վարդեր։

Մրցույթի արդյունքներով` հաղթողներին հանձնվելու են պատվոգրեր, իսկ մրցանակային տեղ զբաղեցրած թիմը պարգևատրվելու է արժեքավոր նվերով և զորամասի գավաթով։