ԵՐԵՎԱՆ, 1 օգոստոսի – Sputnik. Հայաստանը ներկայացնող Տիգրան Գևորգյանն առաջին տեղն է զբաղեցրել Հատուկ օլիմպիադայի ազատ ոճի լողի 25-մետրանոց մրցապայքարում` ստանալով ոսկե մեդալ: Այս մասին գրված է «Asbarez News»-ի ֆեյսբուքյան էջում:
Այս տարի Կալիֆոռնիա նահանգի Լոս Անջելես քաղաքում անցկացվող խաղերին մասնակցում է 6500 մարզիկ 165 երկրից։
Հատուկ օլիմպիադայի համաշխարհային խաղերն առաջին անգամ կազմակերպվել են 1968 թվականին։ Գլխավոր նպատակը մտավոր խնդիրներ ունեցող մարդկանց հնարավորություններն ու ձեռքբերումները ցուցադրելն է։
Ըստ աղբյուրի, կիրակի օրը՝ օգոստոսի 2-ին, կկայանան մտավոր սահմանափակումներով հայ մարզիկների վերջին ելույթները:
