ԵՐԵՎԱՆ, 31 հուլիսի– Sputnik. Գեղարքունիքի մարզի ամառային դաշտային ճամբարի սաները սննդային թունավորումով տեղափոխվել են հիվանդանոց, հաղորդում է ՀՀ ԳՆ սննդամթերքի անվտանգության պետական ծառայության մամուլի ծառայությունը։
Գերատեսչության տվյալներով` Մարտունու բժշկական կենտրոն են տեղափոխվել 20-ից ավելի երեխաներ։
Սննդամթերքի անվտանգության պետական ծառայության տեսուչներն ահազանգն ստանալուց հետո անմիջապես այցելել են ճամբար, վերցրել են սննդամթերքի հետ շփվող մակերեսներից լվացուկներ, առկա սննդամթերքից՝ հիմնականում պահածոյացված, ինչպես նաև ճամբարում օգտագործվող ջրից կատարվել է նմուշառում և տրվել լաբորատոր փորձաքննության, որի արդյուքների մասին կտեղեկացվի լրացուցիչ:
Միջադեպի կապակցությամբ ՀՀ ԳՆ սննդամթերքի անվտանգության պետական ծառայության պետի հրամանով, հաշվի առնելով սեզոնային ռիսկերը, ներկայումս մշտադիտարկում է իրականացվում հանրապետության հանգստյան գոտիներում, առողջարաններում և ամառային ճամբարներում՝ պարզելու և կանխարգելելու հանրային սննդի կազմակերպման հարցում բացթողումները:
Հայաստանում ամառային դաշտային ճամբարի սաներ են թունավորվել
© Sputnik / Виталий Аньков
/ Բաժանորդագրվել
Գեղարքունիքի մարզի ամառային ճամբարի ավելի քան քսան սաներ սննդային թունավորումով տեղափոխվել են հիվանդանոց
