ԵՐԵՎԱՆ, 31 հուլիսի – Sputnik. Երկրին ամենամոտ էկզոմոլորակ է հայտնաբերվել Կասիոպեա համաստեղությունում, հայտնում է ՌԻԱ Նովոստին` հղում անելով ԱՄՆ–ի ազգային տիեզերական գործակալությանը (NASA)։
HD 219134b մոլորակը գտնվում է Երկրից 21 լուսային տարի հեռավորության վրա։ NASA–ի գնահատականներով, մոլորակը 1.6 անգամ ծավալով խոշոր է Երկրից և 4.5 անգամ` ծանր։ HD 219134b–ում կան լեռներ, այդ թվում` հրաբուխներ, կարծում են գիտնականները։
Կասիոպեայի համաստեղությունում հայտնաբերված մոլորակը պատկանում է «գերերկիր» դասին։ Դրա պայմանները պիտանի չեն կյանքի համար, սակայն HD 219134b–ն մեծ հետաքրքրություն է ներկայացնում ուսումնասիրության համար։
«Այդպիսի մոլորակները ոսկու գին ունեն, քանի որ դրանք կարելի է մանրամասն ուսումնասիրել։ Այդ էկզոմոլորակը կդառնա առաջիկա տասնամյակների հետազոտության ամենակարևոր առարկաներից մեկը»,– ասել է NASA–ի «Շպիտցեր» հեռադիտակի տվյալների մշակման նախագծի մասնակից Մայքլ Վերները (Michael Werner)։
Աստղը, որի շուրջ պտտվում է մոլորակը, կարելի է երկնքում տեսնել անզեն աչքով։ Այն հաջողվել է հայտնաբերել մգացման շնորհիվ, որն այն ստեղծում է, անցնելով աստղի առջևով։ Այդ էֆֆեկտը գիտնականները ծրագրում են օգտագործել, որ իմանան, կա, արդյո՞ք, HD 219134b–ում մթնոլորտ, և ի՞նչ կազմություն ունի այն։
Առաջին անգամ մոլորակը հայտնաբերել է «Գալիլեո» իտալական հեռադիտակը։ Վերջերս բացահայտումը հաստատել են «Շպիտցեր» հեռադիտակի օգնությամբ NASA–ում ստացված տվյալները։
NASA–ն ավելի վաղ հայտնել էր Kepler-452b մոլորակի բացահայտռման մասին, որը չափերով նման է Երկրին և գտնվում է Արևին շատ նման աստղի «գտնվելու վայրում»։ Kepler-452 մոլորակն արեգակնային համակարգից գտնվում է 1400 լուսային տարվա հեռավորության վրա Կարապի համաստեղությունում։
NASA–ն հաստատում է Երկրին ամենամոտ էկզոմոլորակի բացումը
© Sputnik / Герман Титов
/ Բաժանորդագրվել
Կասիոպեայի համաստեղությունում հայտնաբերված մոլորակը պատկանում է «գերերկիր» կարգին։ Կյանքի համար պայմաններն այնտեղ անպիտան են, բայց HD 219134b–ն մեծ հետաքրքրություն է ներկայացնում ուսումնասիրության համար։
