ԵՐԵՎԱՆ, հուլիսի 31– Sputnik. Ավստրալիայի տրանսպորտի նախարարության ղեկավար Ուորեն Տրասը համոզված է, որ անհետացած մալայզիական Boeing 777–ի որոնումներն ընթանում են ճիշտ գոտում, հաղորդում է ՌԻԱ Նովոստին։
Ավելի քան 1,5 տարի առաջ կորած ինքնաթիռի որոնման գործողությունը, որը գլխավորում է Ավստրալիան, ընթանում է Հնդկական օվկիանոսի հարավային մասում։ Միաժամանակ Boeing 777–ի ենթադրվող բեկորը երկու օր առաջ նկատվել է Ռեյունյոն կղզում` որոնման գոտուց հազարավոր կիլոմետրեր հեռու։
«Այն փաստը, որ բեկորը հայտնաբերվել է Ռեյունյոնի հյուսիսային մասում, համաձայնեցվում է որոնման գոտուց հոսանքների շարժման հետ»,– մեջբերում է նախարարի խոսքերը Ֆրանս Փրես գործակալությունը։
Ավելի վաղ ԶԼՄ–ները հաղորդել են, որ Ռեյունյոնում գտնված ինքնաթիռի բեկորի վրա սերիական համարը համընկնում է Boeing 777–ի տեխնիկական բնութագրերի հետ։ Boeing ընկերությունը նույնպես հաստատել է, որ հատվածը պատկանում է օդանավի այդ տեսակին։ Հետագա ուսումնասիրության համար թևի բեկորը կուղղորդվի Թուլուզի Ավիավթարների հետաքննության բյուրոյի մոտակա գրասենյակ։
2014թ.–ի մարտի 8–ի գիշերը Malaysia Airlines ավիաընկերության Boeing 777-200 օդանավը, որն իրականացնում էր MH370 չվերթը Կուալա Լումպուրից Պեկին, 227 ուղևորներով և անձնակազմի 12 անդամներով, ներառյալ զբոսաշրջիկներ Ռուսաստանից, անհետացել է ռադարների էկրաններից։ Ենթադրվում է, որ ինքնաթիռը վթարի է ենթարկվել Հնդկական օվկիանոսի հարավային մասում։
Ավստրալիայի տրանսպորտի նախարարությունը համոզված է, որ Boeing 777–ի որոնումներն ընթանում են ճիշտ գոտում
© Sputnik / Маша Росс
/ Բաժանորդագրվել
Ավելի քան 1,5 տարի առաջ կորած ինքնաթիռի որոնման գործողությունն ընթանում է Հնդկական օվկիանոսի հարավային մասում։ Միաժամանակ Boeing 777–ի ենթադրվող բեկորը երկու օր առաջ նկատվել է Ռեյունյոն կղզում` որոնման գոտուց հազարավոր կիլոմետրեր հեռու
