ԱԳՆ. Վրաստանը ստիպված էր միանալ պատժամիջոցներին

ԵՐԵՎԱՆ, հուլիսի 30– Sputnik. Վրաստանը ստիպված էր միանալ Եվրամիության պատժամիջոցներին Ղրիմում և Սևաստոպոլում արտադրվող արտադրանքի արտահանման հարցում, ասել է հուլիսի 30–ին Վրաստանի ԱԳՆ փոխնախարար Դավիթ Դոնդուան։

Վրաստանը, Չեռնոգորիան, Ալբանիան, Իսլանդիան, Լիխտենշտեյնը, Նորվեգիան և Ուկրաինան միացել են մինչև 2016 թ.–ի հունիսի 23–ը Ղրիմի և Սևաստոպոլի նկատմամբ ներդրված ԵՄ–ի տնտեսական պատժամիջոցների երկարացմանը։ Պատժամիջոցները ներառում են Ղրիմում և Սևաստոպոլում արտադրված արտադրանքի ներկրման, ինչպես նաև Ղրիմում կամ Սևաստոպոլում ներդրումներ կատարելու արգելք։

«Դա նույն բանն է, ինչի մասին մենք խնդրում ենք մեր գործընկերներին արտադրանքի արտահանման առիթով, որն արտադրվում է Աբխազիայում և Հարավային Օսեթիայում։ Մենք հնարավորություն չենք ունեցել չմիանալ դրան»,– ասել է Դոնդուան լրագրողներին։

Եվրամիությունը Ռուսաստանի դեմ ընդունել է 12 պատժամիջոց, բայց Վրաստանը միացել է միայն մեկ հարցում։ Ղրիմում և Սևաստոպոլում արտադրվող արտադրանքոի հետ կապված պատժամիջոցները ԵՄ–ն ընդունել է 2014թ.–ի ապրիլի 23–ին` մեկ տարով, նշել է փոխնախարարը։

«Ոչ մի նոր չի պատահել… Չորս օր առաջ (մինչև ժամկետի լրանալը) հունիսի 19–ին տեղի է ունեցել այդ որոշման ավտոմատ երկարացումը, համապատասխանաբար մեր միանալը շարունակվել է»,– ասել է Դոնդուան։

2008թ.–ի օգոստոսյան պատերազմից հետո Մոսկվան միակողմանի կերպով ճանաչել է Աբխազիայի և Հարավային Օսեթիայի անկախությունը։ Վրաստանն ի պատասխան` խզել է Ռուսաստանի հետ դիվանագիտական հարաբերությունները։