ԵՐԵՎԱՆ, 31 հուլիսի – Sputnik. Լճաշենի կիկլոպյան ամրոցի տարածքում կիրականցվեն պեղումներ և վերականգնման աշխատանքներ, ասել է Հայաստանի մշակույթի նախարար Հասմիկ Պողոսյանը չորեքշաբթի Գեղարքունիքի մարզի Լճաշենի կիկլոպյան ամրոցի հուշարձանային համալիր կատարած այցի ընթացքում, հայտնում է մշակույթի նախարարության մամուլի ծառայությունը։
Նախարարը ծանոթացել է հուշարձանային համալիրում կատարված աշխատանքներին և պահպանությանը։ Մասնավորապես, ՀՀ պետական բյուջեի հատկացումներով 2008 թվականին կատարվել է Լճաշենի ամրոցի կենտրոնական միջնաբերդի ամրակայման և մասնակի վերականգնման նախագիծը:
«Մասնագետներին լսելուց հետո նախարարը նշել է, որ Լճաշենն այն բնակատեղին է, որը հարստացրել է Հայաստանի պատմության թանգարանը, և հավելել, որ Լճաշենի բերդշենը ներառված է հնագիտության զարգացման ծրագրի մեջ, ինչը նշանակում է, որ բնակատեղիում քայլ առ քայլ կկատարվեն պեղումներ և կիրականացվեն վերականգնման աշխատանքներ»,– նշվում է հաղորդագրությունում։
Ավելի վաղ` 2009 թվականին, իրականացվել են միջնաբերդի մուտքին հարող հատվածի պեղումներ և վերականգնման աշխատանքներ:
Նախարարն այցելել է նաև Լճաշենի մանկական արվեստի դպրոց, Գավառի քաղաքային գրադարան, Գեղարքունիքի երկրագիտական թանգարան, Ավետ Տերտերյանի ստեղծագործական տուն (գ. Հայրավանք):
Լճաշենի կիկլոպյան ամրոցի տարածքում կիրականցվեն պեղումներ և վերականգնման աշխատանքներ
© Sputnik / Марк Редькин
/ Բաժանորդագրվել
Հայաստսնի մշակույթի նախարարն այցելել է Գեղարքունիքի մարզի մի շարք մշակութային հաստատություններ
