ԵՐԵՎԱՆ, 30 հուլիսի – Sputnik. Sputnik Մոլդովա Միջազգային լրատվական գործակալության և ռադիոյի մամուլի կենտրոնն իր աշխատանքն է մեկնարկել չորեքշաբթի, հայտնում է Sputnik–ի մամուլի ծառայությունը։
Քիշնևի Kentford բիզնես կենտրոնի շենքում` Շտեֆան չել Մարե 202, 4 հարկ հասցեում տեղակայված մամուլի կենտրոնում երկու ասուլիս է անցկացվել։ Ասուլիսներից մեկը նվիրված էր քիքբոքսինգի միջազգային առաջնությունում «Վոյևոդ» ֆեդերացիայի մարզիկների հաղթանակին։ Երկրորդ ասուլիսին մասնակցել է Ղրղըզստանում անցկացված «Մեյքին Ասիա» միջազգային մրցույթի հաղթող մոլդովացի երգչուհի Լիդիա Իսակը։
Առանց չափազանցնելու կարելի ասել, որ Sputnik Մոլդովա մամուլի կենտրոնը զինված է ամենաարդիական սարքավորումներով։ Ունի տեսակապ կազմակերպելու և նյութեր ցուցադրելու համար նախատեսված մեծ էկրաններ, տեսախցիկներ, որոնք կարողանում են ցուցադրել ողջ դահլիճը, ինչպես նաև` բարձրորակ աուդիոհամակարգ։
Sputnik<http://sputniknews.com> –ը(sputniknews.com) տասնյակ երկրներում գործող մուլտիմեդիոն ռադիո և լրատվական գործակալություն է։ Sputnik–ը ներառում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Բաժանորդների համար Sputnik–ի լրատվական ժապավենը թողարկվում է 24-ժամյա ռեժիմով` անգլերեն, արաբերեն, իսպաներեն և չինարեն լեզուներով։
Քիշնևում գործարկվել է Sputnik Մոլդովա մամուլի կենտրոնը
© Sputnik / Алексей Даничев
/ Բաժանորդագրվել
Sputnik մուլտիմեդիոն մամուլի կենտրոնն իր աշխատանքն է սկսել Քիշնևում
