ԵՐԵՎԱՆ, 29 հուլիսի– Sputnik. Եվրոպական ֆուտբոլային ասոցիացիաների միության (ՈւԵՖԱ) ղեկավար, ֆրանսիացի Միշել Պլատինին պաշտոնապես հայտարարել է, որ առաջադրում է իր թեկնածությունը Ֆուտբոլի միջազգային ֆեդերացիայի (FIFA) նախագահի պաշտոնին, հաղորդում է Р-Спорт–ը` հղում անելով ՈւԵՖԱ–ի պաշտոնական կայքին։
ՖԻՖԱ–ի գործադիր կոմիտեն հուլիսի 20–ին կայացած արտահերթ նիստի ժամանակ որոշել է, որ կոնգրեսը, որի ժամանակ կընտրեն կազմակերպության նոր ղեկավարին, տեղի կունենա 2016 թ.–ի փետրվարի 26–ին Ցյուրիխում։
«Ես ընդունել եմ անձնական և շատ մտածված որոշում` կշռադատելով և՛ ֆուտբոլի ապագան, և՛ իմ սեփական ապագան։ Ի հարկե, ես ղեկավարվել եմ նաև ձեր աջակցությամբ, այն հարգանքով և քաջալերությամբ, որն իմ նկատմամբ արտահայտել են ձեզանից շատերը», – նշվում է Պլատինիի նամակում, որը նա ուղարկել է ՖԻՖԱ–ի 209 ազգային ասոցիացիաների նախագահներին և գլխավոր քարտուղարներին։
Միշել Պլատինին խոստացել է «անդադար աշխատել` հանուն ֆուտբոլի»։ «Լինում են պահեր, երբ հարկ է լինում սեփական ձեռքերում բռնել սեփական ճակատագիրը», – նշվում է նամակում։ «Ես նման ժամանակահատված եմ ապրում, բեկումնային փուլ է կյանքումս և այն իրադարձությունների շղթայում, որոնք սահմանում են ՖԻՖԱ–ի ապագան»։
Յոզեֆ Բլատերը, ով գլխավորել է ՖԻՖԱ—ն 1998 թ.–ից, մայիսի 29–ին ընտրվել էր հինգերորդ անգամ, սակայն արդեն հունիսի 2–ին հայտարարել էր, որ հեռանում է իր պաշտոնից։
Ավելի վաղ ՖԻՖԱ–ի նախագահի պաշտոնում սեփական թեկնածությունն առաջադրելու ցանկության մասին էին հայտարարել հայտնի ֆրանսիացի նախկին ֆուտբոլիստ Դավիդ Ժինոլան, Հորդանանի արքայազն Ալի բին Ալի–Հուսեյնը, ՖԻՖԱ–ի նախկին փոխնախագահ և Կորեայի ֆուտբոլի ասոցիացիայի նախկին ղեկավար, հարավկորեացի Չոն Մունջունը, Մոսկվայի ԲԿՄԱ–ի նախկին գլխավոր մարզիչ, բրազիլացի Զիկոն, Լիբերիայի ֆուտբոլի ասոցիացիայի նախագահ Մուսա Բիլիտին։
Պլատինին պաշտոնապես առաջադրել է իր թեկնածությունը ՖԻՖԱ—ի նախագահի ընտրություններին
![Футбол. Встреча Николая Толстых с Мишелем Платини Футбол. Встреча Николая Толстых с Мишелем Платини - Sputnik Արմենիա](https://cdn.am.sputniknews.ru/img/18/13/181330_0:239:2869:1862_600x0_80_0_0_50c80612d7145b894636202f1a7a7a4d.jpg)
© Sputnik / Александр Вильф
/ Բաժանորդագրվել
Կոնգրեսը, որի ժամանակ կանցկացվի ՖԻՖԱ–ի նոր նախագահի ընտրությունները, տեղի կունենա 2016 թ.–ի փետրվարի 26–ին Ցյուրիխում։ Եվրոպական ֆուտբոլային ասոցիացիաների միության ղեկավար, ֆրանսիացի Միշել Պլատինին պաշտոնապես հայտարարել է, որ ցանկանում է մասնակցել ընտրություններին։