ԵՐԵՎԱՆ, 29 հուլիսի – Sputnik. Թուրքական ութ F-16 կործանիչներն անցած գիշեր ամենախոշոր օդային գրոհն են իրականացրել Քրդստանի աշխատավորական կուսակցության դիրքերի ուղղությամբ, հայտնում է ՌԻԱ Նովոստին` հղում անելով Haber Turk հեռուստաընկերությանը։
Լազերային նշանառությամբ հզոր ռումբեր են արձակվել ահաբեկիչների ճամբարների և զինամթերքի պահեստների վրա, որոնք գտնվում են Քանդիլ լեռան շրջանում։ Հենց այդտեղ է տեղակայված ՔԱԿ շտաբը։
Դրությունը Թուրքիայում կտրուկ սրվել է վերջին շաբաթվա ընթացքում Սիրիային սահմանակից Սուրուչում ԻՊ–ի կազմակերպած ահեբակությունից և հարավ–արևելքում ոստիկանների սպանություններից հետո, որոնց պատասխանատվությունն իր վրա է վերցրել Թուրքիայում արգելված Քրդստանի աշխատավորական կուսակցությունը։
Թուրքիայի զինված ուժերը գրոհել են ԻՊ–ի դիրքերը Սիրիայի հյուսիսում և ՔԱԿ–ի դիրքերը` Իրաքի հյուսիսում։ Հարվածները հասցվել են F-16 կործանիչներից, ինչպես նաև Թուրքիայի սահմանակից տարածքում տեղակայված տանկերից և հրետանուց։ Ի պատասխան դրան ՔԱԿ–ն իր կայքում հայտնել է, որ Անկարայի հետ հաշտությունը «կորցրել է իմաստը»։
ԶԼՄ. Թուրքիայի ՌՕՈՒ–ն ուժեղ հարվածներ է հասցրել Քրդստանի աշխատավորական կուսակցությանը
17:02 29.07.2015 (Թարմացված է: 17:25 29.07.2015)
![Ситуация в Сирии Ситуация в Сирии - Sputnik Արմենիա](https://cdn.am.sputniknews.ru/img/24/95/249526_0:155:3072:1892_600x0_80_0_0_269f447d40101d0cc87666cd579de36f.jpg)
© Sputnik / Андрей Стенин
/ Բաժանորդագրվել
ԶԼՄ–ների տվյալով` 8 թուրքական F-16 կործանիչները լազերային նշանառությամբ հզոր ռումբեր են արձակել Քրդստանի աշխատավորական կուսակցության կողմնակիցների դիրքերի ուղղությամբ։