ԵՐԵՎԱՆ, հուլիսի 29– Sputnik. Հայաստանի Հանրապետությունում Հարավային ռազմական օկրուգի ռուսական ռազմական բազային կից Ռուսաստանի պաշտպանության նախարարության Գյումրիի ռազմական կայազորի դպրոցում սկսվել են վերանորոգման–վերականգնողական աշխատանքներ, հաղորդում է Հարավային ռազմական օկրուգի մամուլի ծառայությունը։
Տարածքների վերանորոգման ծրագրի համաձայն, ավելի քան 100 դպրոցական օբյեկտներում կկատարվեն շուրջ 50 տարբեր աշխատանքներ։
Երկհարկանի դպրոցը կազմված է 4 մասնաշենքերից` 5 000 քմ ընդհանուր տարածքով և ավելի քան 3 000 քմ հարակից տարածքով։ Դպրոցի շենքերը շատ ամուր են կառուցված և կայուն են շոգ կլիմայի նկատմամբ, ինչը բնորոշ է տվյալ սեյսմավտանգ տեղանքի համար։
Ուսումնական հաստատությունում անցկացվում է մեթոդական սենյակների, դասասենյակների կոսմետիկ վերանորոգում, տեղի է ունենում սարքերի փոխարինում և գրադարանի մեծացում` այն նոր գրքերով և ուսուցանող գրականությամբ համալրելու համար։
Նկուղային տարածքներում, ճաշարանում, մարզասրահում և շքադահլիճում անցկացվում են կարգավորող աշխատանքներ` սանտեխնիկական խողովակները և էլեկտրական մալուխները փոխելու ուղղությամբ։
Շենքերի արտաքին պատերը սպիտակեցվելու են և տանիքը մասամբ փոխվելու է։ Դպրոցական բակի տարածքում տեղադրվելու են նոր մարմնամարզական պիտույքներ, գոտիներ են պատրաստվելու մարզական խաղերի անցկացման համար, տեղադրվում են դեկորատիվ նստարաններ և լապտերներ, վերանորոգվում է պարիսպը։
Ռուսաստանի ՊՆ–ի ուսումնական հաստատությունում սովորում են ռազմական բազայի զինծառայողների և քաղաքացիական անձնակազմի երեխաները։
Հայկական կողմը Գյումրիում Ռուսաստանի Դաշնության ՊՆ–ի դպրոցի համար անհատույց ժամանակավոր օգտագործման է հանձնել անհրաժեշտ շենքեր, տարածքներ և դպրոցին կից տարածքներ, որոնք պիտանի են դպրոցականների ուսումնական գործընթացն անցկացնելու, արտադասարանային դաստիարակչական աշխատանքի, աշխատանքային և արտադրական ուսուցման համար։
Մինչև ընթացիկ տարվա սեպտեմբերը նախատեսվում է վերականգնել և վերանորոգել ՀՀ–ում Գյումրիի ռազմական կայազորի տարածքում ռուսական միավորման ավելի քան 10 տարբեր ծառայողական օբյեկտներ։
102–րդ ռուսական ռազմական բազան տեղակայված է Գյումրի քաղաքում` Թուրքիայի սահմանի մոտ։ Բազան հագեցած է С-300 ԶՀՀ–ով և ՄիԳ-29 կործանիչներով և մարտական հերթապահություն է իրականացնում ԱՊՀ ՀՕՊ միացյալ համակարգի շրջանակում։
Գյումրիում սկսվել է ՌԴ պաշտպանության նախարարության դպրոցի վերանորոգումը
15:18 29.07.2015 (Թարմացված է: 15:27 29.07.2015)
© пресс-служба Южного федерального округа школа Министерства обороны России в Гюмри
![школа Министерства обороны России в Гюмри школа Министерства обороны России в Гюмри - Sputnik Արմենիա](https://cdn.am.sputniknews.ru/img/26/84/268456_0:0:3456:1944_600x0_80_0_0_99c83edb1de2eb70ffa16866a21e55da.jpg)
© пресс-служба Южного федерального округа
Բաժանորդագրվել
Գյումրիում ՊՆ–ի ռուսական դպրոցում վերանորոգում է, որը կշոշափի ավելի քան 100 դպրոցական օբյեկտներ