ԶԼՄ. Պուտինով հիանում են նրա համար, որ նա չի վախենում առարկել Արևմուտքին

ԵՐԵՎԱՆ, հուլիսի 28– Sputnik. Աշխարհը կանգնած է ինքնորոշման իրավունքի իրագործման հիման վրա գոյություն ունեցող պետությունների ներսում նոր սահմաններ ստեղծելու առաջ, գրում է մեկնաբան Աբ Գիտելինքը հոլանդական NRC Handelsblad թերթում։

Ռուսաստանի Դաշնությանը Ղրիմի միանալն Արևմուտքում ենթարկվել է համընդհանուր դատապարտման` իբր միջազգային իրավունքի նորմերի խախտման համար, հիշեցնում է նյութի հեղինակը։

«Նախագահ Պուտինն իբր զբաղված է ռուսական զավթողական քաղաքականության վերականգնմամբ, որն ուղղված է Ուկրաինայի տարածքային ամբողջականության դեմ։ Ռուսներն իբր պատասխանատու են նոր սառը պատերազմի սպառնալիքի ստեղծման համար։ Բայց միգուցե «բռնազավթումն» ընդամենը «ազատագրու՞մ» է»,– գրում է վերլուծաբանը, նշում է ՌԻԱ Նովոստին։

Նրա կարծիքով` եթե «ինքնավար Կոսովո երկրամասը» իրավունք ունի իր ապագայի վերաբերյալ սեփական ընտրությունը կատարել, ապա ոչ մի իրավաբանական հիմք չի կարող լինել` «Ղրիմի ինքնավար հանրապետությանը» նման իրավունքից զրկելու համար։

«Արևմուտքում թույլատրվում է միայն ատել Պուտնին, միաժամանակ Ռուսաստանում, համաձայն հասարակական կարծիքի հարցման, գոյություն ունի Ղրիմում նրա քաղաքականության զանգվածային աջակցություն։ Նրանով հիանում են այնպիսի խոշոր երկրներում, ինչպիսին են Չինաստանը, Հնդկաստանը և Բրազիլիան, նրա համար, որ նա չի վախենում առարկել Արևմուտքին»,– գրում է հոդվածի հեղինակը։

Մեկնաբանի խոսքով` տվյալ դեպքում Արևմուտքն ակնհայտորեն երկակի չափանիշների է դիմում։ Դա միայն կասկածների տեղիք է տալիս այն հարցում, որ ինքնորոշման իրավունք տրված է միայն արևտմյան պետությունների ընկերներին, բայց ոչ մի դեպքում նրանց հակառակորդներին։

«Չի՞ տառապում արդյոք Արևմուտքը սահմանափակ հայացքով, ընտրողական անվստահությամբ և երկակի չափանիշներով։ Մի՞թե արևմտյան գերտերությունները չէին գնա ռազմական միջամտության իրենց քաղաքացիների համար սպառնալիքի առկայության դեպքում»,– գրում է Գիտելինքը, հետաքրքրվելով, թե ինչու է Արևմուտքը մերժում Վրաստանում Աբխազիայի ու Հարավային Օսեթիայի և Ուկրաինայում Լուգանսկի ու Դոնեցկի բնակչության ազատ ինքնորոշման իրավունքը։

Նրա կարծիքով` ՄԱԿ–ը պետք է հասնի նրան, որպեսզի սահմանների վերանայումը տեղի ունենա ընտրված ընթացակարգերի ճանապարհով, երկխոսության միջոցով և միջազգային հսկողության տակ։