ԵՐԵՎԱՆ, 27 հուլիսի — Sputnik. Fitch Ratings միջազգային վարկանշային գործակալությունը վերանայել է 2015 թվականին Հայաստանի ՀՆԱ աճի իր կանխատեսումը —0.5 տոկոսից մինչև 1.5 տոկոս, ասվում է գործակալության պաշտոնական կայքում։
Ելնելով երկրի տնտեսական ակտիվության վերջին տվյալներից` Հայաստանի տնտեսությունն ավելի բարձր աճ է ցուցադրում, քան գործակալությունն ակնկալում էր ավելի վաղ։
«Արդյունքում մենք դեպի բարձրացում ենք վերանայել 2015 թվականին իրական ՀՆԱ–ի կանխատեսումը –0,5%–ից մինչև +1,5%–ով, իսկ այնուհետև` 2016 և 2017 թվականների աճը` 2.5 և 2.9 տոկոսով»,– նշվում է հաղորդման մեջ։
Հանրապետության Ազգային վիճակագրական ծառայության օպերատիվ տվյալներով, Հայաստանի տնտեսական ակտիվության ցուցանիշը 2015 թվականի հունվար–հունիսին աճել է 3.8 տոկոսով 2014 թվականի նույն ժամանակահատվածի համեմատ։
Վարկանշային գործակալության տվյալներով, աճը կզսպվի, գլխավորապես, սպառողական թույլ ծախսերով արտերկրում ապրող քաղաքացիների ավելի ցածր զուտ փոխանցումների միտումների ֆոնին։
Հայաստանի` Ռուսաստանի հետ կապված էական ռիսկերը բարձրացնում են երկրում աճի հեռանկարների և վճարային հաշվեկշռի ռիսկերը, և, որպես հետևանք, ազդում են վարկանիշի վրա։ Ռուսաստանն արտերկրում ապրող քաղաքացիների միջոցների զուտ փոխանցումների (2014 թվականին 80%) և արտահանման շահույթի (2014 թվականին 20%) կարևոր աղբյուր է։
«Արտերկրում աշխատող քաղաքացիների միջոցների փոխանցումները, որոնք կազմել են 2014 թվականին Հայաստանի ՀՆԱ 13 տոկոսը և մասնավոր սպառումը սահմանող հիմնական գործոն են, ընկել են 40 տոկոսով 2015 թվականի առաջին 5 ամսվա ընթացքում նախորդ տարվա նույն ժամանակահատվածի համեմատ»,– նշվում է հաղորդման մեջ։
Fitch Ratings միջազգային վարկանշային գործակալությունը հաստատել է Հայաստանի էմիտենտի դեֆոլտի վարկանիշներն արտարժույթով և ազգային արժույթով «В+» մակարդակում։ Վարկանիշների կանխատեսումն անփոփոխ «Կայուն է»։
Բյուջեի համաձայն, Հայաստանի ՀՆԱ–ն 2015 թվականին ծրագրված է 4.1 տոկոսի չափով։
Fitch–ը 2015թ.–ի համար բարելավել է Հայաստանի ՀՆԱ աճի կանխատեսումը մինչև 1.5%
18:26 27.07.2015 (Թարմացված է: 20:09 27.07.2015)
© Sputnik / Владимир Песня
/ Բաժանորդագրվել
Մենք դեպի բարձրացում ենք վերանայել 2015 թվականի իրական ՀՆԱ–ի մեր կանխատեսումը -0,5%–ից մինչև +1,5%, իսկ այնուհետև 2016 և 2017 թվականների աճը` 2.5 և 2.9 տոկոսով, նշում են Fitch Ratings–ի վերլուծաբանները։
