ԵՐԵՎԱՆ, 25 հուլիսի– Sputnik. Անցած ողջ գիշեր Ադրբեջանի կողմից շարունակվել են կրակոցները Արցախի և Հայաստանի սահմանին, գրել է Հայաստանի պաշտպանության նախարարի մամուլի քարտուղար Արծրուն Հովհաննիսյանը Facebook սոցցանցի իր պաշտոնական էջում:
«Հուլիսի 24 –ի երեկոյան ժամը 19-ից սկսած՝ հակառակորդը կրկին շարունակել է ինտենսիվորեն խախտել հրադադարի ռեժիմը հատկապես Արցախի սահմանին և Տավուշի մարզում», — հայտնել է մամուլի քարտուղարը:
Նրա խոսքերով` կրակոցները շարունակվել են ողջ գիշեր: Կրակել են ինչպես մեծ տրամաչափի հրաձգային զենքերից, այնպես էլ 60 և 82 մմ-ոց ականանետերից: Ընդհանուր առմամբ` խախտումների քանակը գերազանցում է 160-ը:
Մամուլի քարտուղարը հայտնել է, որ հայկական զինուժի ստորաբաժանումները պատասխան կրակ են բացել ըստ անհրաժեշտության և հակառակորդին պատճառել կորուստներ ու վնասներ: Հայկական կողմը կորուստներ չունի: Այժմ սահմանին հարաբերական անդորր է:
Դրա հետ մեկտեղ, Հովհաննիսյանը կոչ է արել չհավատալ ադրբեջանական քարոզչամեքենայի տարածած կեղծ լուրերին սահմանային իրավիճակի մասին:
«Հորդորում ենք չտրվել նման սադրանքներին և հիմնվել միայն հայկական կողմի պաշտոնական տեղեկատվության վրա: Մենք ադրբեջանական քարոզչության մասին ավելի մեծ կարծիք ունեինք», — նշել է Հովհաննիսյանը:
ՊՆ. ադրբեջանցիները ողջ գիշեր գնդակոծել են Արցախի և Հայաստանի սահմանը
14:22 25.07.2015 (Թարմացված է: 15:40 25.07.2015)
© Photo : press office of the MoD of RA
Բաժանորդագրվել
Ադրբեջանը մեծ կորուսներ է կրել անցյալ գիշեր հայկական կողմի պատասխան կրակոցներից:
