ԵՐԵՎԱՆ, 24 հուլիսի– Sputnik. Թուրքիայի արտգործնախարարությունը պատմական հիշողության արատավորում է համարում Բելգիայի խորհրդարանի կողմից ընդունված բանաձևը, որը վերաբերում է Հայոց ցեղասպանության ճանաչմանը, հաղորդում է ՌԻԱ Նովոստին` հղում անելով Թուրքիայի արտգործնախարարության հայտարարությանը։
Նախօրեին Բելգիայի խորհրդարանը բանաձև է ընդունել, որը պաշտոնապես ամրագրում է Հայոց ցեղասպանության ճանաչման մասին դիրքորոշումը։ Բելգիայի վարչապետ Շառլ Միշելը հունիսին հայտարարել էր, որ իր գլխավորած կառավարությունը ճանաչում է Հայոց ցեղասպանությունը։
«Մեր երկիրը կրկին ենթարկվեց Բելգիայի կողմից անհիմն մեղադրանքների, պատմական փաստերը խեղաթյուրվել են և իրավունքի նորմերը` ոտնահարվել։ Այս բանաձևը դարձավ վերջին օղակը թուրքական ինքնության և պատմական հիշողության արատավորմանն ուղղված միջոցառումների շարքում», – նշվում է Թուրքիայի ԱԳՆ–ի հայտարարության մեջ։
Հայտարարության մեջ նաև նշվում է, որ Հայոց ցեղասպանության ճանաչման մասին Բելգիայի խորհրդարանի բանաձևը կաորղ է բացասաբար ազդել թուրք–բելգիական հարաբերությունների վրա։
Թուրքիայի արտգործնախարարությունը դատապարտել է Բելգիայի ընդունած` Հայոց ցեղասպանության ճանաչման մասին բանաձևը
Բաժանորդագրվել
Թուրքիայի արտգործնախարարությունը հայտարարություն է տարածել Բելգիայի Թագավորության կողմից Հայոց ցեղասպանության ճանաչման կապակցությամբ։
