ԵՐԵՎԱՆ, 24 հուլիսի – Sputnik. Վերջին 6 տարում «Արի տուն» ծրագրի շրջանակում շուրջ 5000 սփյուռքահայ երիտասարդներ են այցելել Հայաստան, հայտնել է Հայաստանի սփյուռքի նախարար Հրանուշ Հակոբյանը ծրագրի մասնակիցների և Հայաստանի պաշտպանության նախարար Սեյրան Օհանյանի հետ հանդիպման ժամանակ։
Նրա խոսքով` «Արի տուն» ծրագիրն անցկացվում է արդեն 6-րդ տարին անընդմեջ, և նախատեսվում է, որ այս տարի Հայաստան կայցելեն 1100 երիտասարդներ սփյուռքից։ Այս պահի դրությամբ Հայաստան է այցելել 700 սփյուռքահայ։
«Արի տուն» ծրագրի շնորհիվ մենք օգնում ենք երիտասարդներին ավելի լավ ճանաչել հայրենիքը», – ասել է Հակոբյանը։
Ծրագրի շրջանակում նախատեսվում է նաև այցելություն «Եռաբլուր» պանթեոն և «Ծիծեռնակաբերդ» հուշահամալիր։
«Արի տուն» ծրագրի նպատակն է սփյուռքահայ երիտասարդներին ծանոթացնել Հայաստանի պատմությանը, մշակույթին, հասարակական կյանքին, հոգևոր և ընտանեկան ավանդույթներին: Ծրագիրը 2009 թվականին մշակել է Հայաստանի սփյուռքի նախարարությունը։ Նախագծին մասնակցում են 13-20 տարեկան սփյուռքահայերը, ովքեր ցանկանում են մոտիկից ծանոթանալ պատմական հայրենիքին։
«Արի տուն» ծրագրով շուրջ 5000 երիտասարդներ են Հայաստան այցելել
20:13 24.07.2015 (Թարմացված է: 20:57 24.07.2015)
Բաժանորդագրվել
«Արի տուն» ծրագրի շնորհիվ մենք օգնում ենք երիտասարդներին ավելի լավ ճանաչել հայրենիքը, ասել է Հայաստանի սփյուռքի նախարար Հրանուշ Հակոբյանը
