ԵՐԵՎԱՆ, 24 հուլիսի– Sputnik. Երևանի կենտրոնում հուլիսի 27–ին նստացույց կկազմակերպվի` էլեկտրաէներգիայի սակագնի բարձրացման որոշումը չեղարկելու պահանջով, նշվում է «Ոտքի՛ Հայաստան» քաղաքացիական շարժման խորհրդի հայտարարության մեջ։
Ակցիան մեկնարկում է ժամը 18։00–ին Երևան քաղաքի «Հանրապետության» հրապարակի կենտրոնում։ Կազմակերպիչները նշում են, որ միջոցառումը կազմակերպվում է «Հավաքների ազատության մասին» օրենքի 24-րդ հոդվածի դրույթներին համապատասխան
««Ոտքի՛ Հայաստան» քաղաքացիական շարժման Խորհուրդը ի գիտություն է ընդունել ՀՀ Ոստիկանության հասարակայնության հետ կապի և լրատվության վարչության պետ Աշոտ Ահարոնյանի հայտարարությունը, որից բխում է, որ ոստիկանությունն այսուհետ զերծ կմնա հավաքների ազատության իրավունքը անօրեն սահմանափակելու գործողություններից», – նշվում է հայտարարության մեջ։
«Ոտքի՛ Հայաստան» շարժումը «Ո՛ չ թալանին» քաղաքացիական նախաձեռնության այլընտրանքն է։ «Ո՛ չ թալանին» քաղաքացիական նախաձեռնությունը կանգնած է էլեկտրաէներգիայի թանկացման դեմ անցկացված բողոքի ակցիաների ակունքներում, որի մասնակիցները հունիսի կեսից շուրջ երեք շաբաթ շուրջօրյա փակել էին Բաղրամյան պողոտան։
Երևանում էլեկտրաէներգիայի թանկացման դեմ նստացույց կկազմակերպվի
© Sputnik / Асатур Есаянц
Բաժանորդագրվել
Կազմակերպիչները նշում են, որ միջոցառումը կազմակերպվում է «Հավաքների ազատության մասին» օրենքի 24-րդ հոդվածի դրույթներին համապատասխան:
