Ֆոտոռեպորտաժ Հայաստանի «Լեռնային մորու» առաջին փառատոնից

Փառատոնը կազմակերպվել է «Արագածոտնի մարզում զբոսաշրջության, մշակույթի, հայ ավանդական արժեքների զարգացման» ծրագրի շրջանակում, «Եվրասիա» բարեգործական հասարակական կազմակերպության, ինչպես նաև Հայաստանում ՀԱՊԿ ինստիտուտի կողմից։
Փառատոնի մասնակիցները համտեսեցին մորուց պատրաստված բազմաթիվ կերակրատեսակներ, որոնք գաստրոնոմիական հարթակում վարպետության դասերի ժամանակ պատրաստել էին փորձառու խոհարարները, ինչպես նաև հետևեցին գյուղի բնակիչների միջև խոհարարական մենամարտերին։

Միջոցառման ընթացքում տեղի ունեցան դեկորատիվ–կիրառական արվեստի վարպետների աշխատանքների ցուցահանդես վաճառք, «Մորու համերգ»  Արագածոտնի մարզի պարային համույթների և երգիչների մասնակցությամբ և երիտասարդ կարատեիստների մարտական շոու։