ԵՐԵՎԱՆ, հուլիսի 23– Sputnik. Հինգշաբթի Հայաստանի Արագածոտնի մարզի Արագած գյուղում տեղի ունեցավ «Լեռնային մորու» առաջին փառատոնը։
Փառատոնի մասնակիցները համտեսեցին մորուց պատրաստված բազմաթիվ կերակրատեսակներ, որոնք գաստրոնոմիական հարթակում վարպետության դասերի ժամանակ պատրաստել էին փորձառու խոհարարները, ինչպես նաև հետևեցին գյուղի բնակիչների միջև խոհարարական մենամարտերին։
Միջոցառման ընթացքում տեղի ունեցան դեկորատիվ–կիրառական արվեստի վարպետների աշխատանքների ցուցահանդես վաճառք, «Մորու համերգ» Արագածոտնի մարզի պարային համույթների և երգիչների մասնակցությամբ և երիտասարդ կարատեիստների մարտական շոու։
«Սա իսկապես մեծ և հետաքրքիր տոն է, որը ցույց է տալիս ձեր համայնքի ձեռքբերումները և հնարավորությունները։ Այդ տոնը համախմբում է մարդկանց, հնարավորություն տալիս հավատալ ապագային, վստահություն ներշնչում և նպաստում այստեղ հավաքվածների միջև ընկերության ամրապնդմանը»,– իր խոսքում նշեց Հայաստանում Ռուսաստանի արտակարգ և լիազոր դեսպան Իվան Վոլինկինը։
Նա հույս հայտնեց, որ տարեցտարի միջոցառման մասնակիցների թիվը կավելանա, և հաջորդ տարի կարելի է փառատոնին հրավիրել ավելի մեծ թվով Ռուսաստանի քաղաքացիների, որպեսզի նրանք ծանոթանան Արագածոտնի բնակիչների ձեռքբերումներին։
Իր հերթին «Եվրասիա» բարեգործական հասարակական կազմակերպության տնօրեն Նվեր Թորոսյանը հավելեց, որ Արագածոտնի մարզը հարուստ է լեռնային մորիով, որն առանձնանում է հատուկ համային և էկոլոգիական որակներով։ Հենց այդ պատճառով «Լեռնային մորու փառատոնն» անցկացվում է այս մարզում։
«Փառատոնի նպատակն է ոչ միայն համեղ հատապտուղներ համտեսելը և հետաքրքիր միջոցառումներ անցկացնելը, այլ նաև պոտենցիալ արտադրողներ, գնորդներ, ինչպես նաև ներդրողներ ներգրավելը, ինչը նպաստում է մարզում արտադրության աճին։ Միջոցառումն ուղղված է նաև արտասահմանյան զբոսաշրջիկներ գրավելուն, քանի որ մարզը հիանալի զբոսաշրջային պոտենցիալ ունի»,– ասաց նա։
Փառատոնը կազմակերպվել է «Արագածոտնի մարզում զբոսաշրջության, մշակույթի, հայ ավանդական արժեքների զարգացման» ծրագրի շրջանակում, «Եվրասիա» բարեգործական հասարակական կազմակերպության, ինչպես նաև Հայաստանում ՀԱՊԿ ինստիտուտի կողմից։
Հայաստանում առաջին անգամ տեղի ունեցավ «Լեռնային մորու փառատոն»
© Sputnik / Асатур Есаянц
Բաժանորդագրվել
«Լեռնային մորու փառատոնի» շրջանակում ստեղծվել է գաստրոնոմիկան հարթակ, տեղի է ունեցել «Մորու համերգ» և մենամարտերի շոու
