Բոլորի մոտ այս կամ այն կերպ դրսևորվում է «Նապոլեոնի համախտանիշը»
«Ոսկե ծիրան» XII միջազգային կինոփառատոնի շրջանակում Երևան էր այցելել ամերիկյան անկախ կինոյի դասական դարձած, թվային նկարահանման բացառիկ մեթոդի հեղինակ և «TenderloinyGroup» արհեստանոցի հիմնադիր Ռոբ Նիլսոնը։ Նիլսոնը 1979թ.–ին արժանացել է Կաննի կինոփառատոնի «Ոսկե տեսախցիկ» մրցանակին, իսկ 1988թ.–ին` «Սանդենս» փառատոնի Գրան–պրի մրցանակին «Տապ և արևի լույս» ֆիլմի համար։
Ձեզ ենք ներկայացնում Վարպետի հետաքրքիր մտքերը, որոնք նա արտահայտել է Հայաստան կատարած այցի ընթացքում։
Ես ունեմ նույնքան ցնորական ցանկություններ, ինչպես բոլորը։ Ուզում եմ, որ մարդիկ ագրեսիվ չլինեն, որ բռնություն չլինի, որ մարդկությունը տեխնոլոգիաների և ռոբոտացման զոհ չդառնա։
Իմ կինոդպրոցը սա է` դիտել ֆիլմեր և ընթերցել որքան հնարավոր է շատ, առաջին հերթին` որակյալ գրականություն` հստակ ելակետ, այլ ոչ թե վայրկենական ոգեշնչում ունենալու համար։
Հեղինակն առաջին հերթին բավարարում է սեփական հետաքրքրասիրությունը։ Իսկ եթե դա հուզել է նաև ուրիշներին, ապա նշանակում է` բավարարվել է նաև հանդիսատեսի հետաքրքրասիրությունը։
