ԵՐԵՎԱՆ, հուլիսի 23 – Sputnik. Կայունության ու զարգացման եվրասիական հիմնադրամը (ԿԶԵՀ) սկզբունքային որոշում է կայացրել Հայաստանին 300 մլն դոլարի վարկ տրամադրելու վերաբերյալ, լրագրողներին է հայտնել Ռուսաստանի ֆինանսների փոխնախարար Սերգեյ Ստորչակը։
«Հիմնադրամի խորհուրդը, որը վերջերս նիստ ունեցավ, քաղաքական որոշում է կայացրել այն մասին, որ վարկը կտրամադրվի», – ասել է Ստորչակը, հայտնում է ՌԻԱ Նովոստին։
Նրա խոսքով` վարկը կտրամադրվի հիմնադրամի ստանդարտ պայմաններով` երեք տրանշի տեսքով, վարկավորման նպատակների միջանկյալ քննարկումներով։
Կայունության ու զարգացման եվրասիական հիմնադրամը (նախկինում` ԵվրԱզԷՍ հակաճգնաժամային հիմնադրամ) տարածաշրջանային ինստիտուտ է, որը հիմնադրվել է 2009 թվականի վեց երկրների` Հայաստանի, Բելառուսի, Ղազախստանի, Ղրղըզստանի, Ռուսաստանի և Տաջիկստանի կառավարությունների կողմից։ Հիմնադրամի նպատակներն են օժանդակել անդամ պետություններին ֆինանսական գլոբալ ճգնաժամի հետևանքները հաղթահարելու գործում, տնտեսական և ֆինանսական կայունության ապահովման հարցում և տարածաշրջանում ինտեգրացիոն գործընթացների օժանդակության հարցում։ —0-
Ստորչակ. ԿԶԵՀ–ը Հայաստանին 300 մլն դոլարի հակաճգնաժամային վարկ կհատկացնի
© Фотохост-агентство
/ Բաժանորդագրվել
Ռուսաստանի ֆինանսների փոխնախարար Սերգեյ Ստորչակի խոսքով` վարկը կտրամադրվի հիմնադրամի ստանդարտ պայմաններով` երեք տրանշի տեսքով, վարկավորման նպատակների միջանկյալ քննարկումներով։
