ԵՐԵՎԱՆ, հուլիսի 22– Sputnik. ՀՀ առողջապահության նախարար Արմեն Մուրադյանը նախօրեին ընդունեց Հայաստանում Իրանի Իսլամական Հանրապետության արտակարգ և լիազոր դեսպան Մոհամմադ Ռեյիսիին: Նպատակն էր քննարկել համագործակցության ուղղությունները, հաղորդում է առողջապահության նախարարության մամուլի ծառայությունը:
Դեսպանը նշեց, որ սեպտեմբերին ակնկալվում է իրանական պատվիրակության այցը Հայաստան:
Նա ընդգծեց, որ առողջապահությունը կարևոր ոլորտ է, և համագործակցության ընդլայնումը մեծ հետաքրքրություն է ներկայացնում իրանական կողմի համար:
Արմեն Մուրադյանը բարձր գնահատեց 2014թ. դեկտեմբերին Թեհրանում կայացած հայ-իրանական միջկառավարական հանձնաժողովի նիստին ՀՀ առողջապահության նախարարի տեղակալ Սերգեյ Խաչատրյանի մասնակցությունը, որի ընթացքում կողմերը պայմանավորվածություն էին ձեռք բերել ստորագրել նոր փոխըմբռնման հուշագիր:
ՀՀ առողջապահության նախարարության և ԻԻՀ առողջապահության և բժշկական կրթության նախարարությունների միջև մի քանի հուշագիր և համաձայնագիր արդեն իսկ ստորագրվել է:
Կողմերը պատրաստակամություն հայտնեցին նպաստել համակարգի զարգացմանը:
Դեսպան. Հայաստանի հետ համագործակցությունը առողջապահության ոլորտում հետաքրքիր է Իրանի համար
Բաժանորդագրվել
Սեպտեմբերին ակնկալվում է իրանական պատվիրակության այցը Հայաստան
