ԵՐԵՎԱՆ, հունիսի 21– Sputnik. Չինաստանում պատրաստվում են Ջին Ցզին Ջի անունով մեգաքաղաք կառուցել, որը 130 միլիոն բնակիչ կունենա, հայտնում են արտասահմանյան ԶԼՄ–ները։
Հսկա քաղաքը 132 ք/կմ տարածք կզբաղեցնի։
Քաղաքի անվանումը երկրի խոշորագույն բնակավայրերի տեղանունների` Պեկինի, Տյանցզինի և Հեբեյի մի մասն է։ Ագլոմերացիայի քաղաքներից յուրաքանչյուրը կկատարի իրենց հատկացված գործառույթը։
Օրինակ` Պեկինը պատասխանատու կլինի մշակույթի և տեխնոլոգիաների համար, տեխնոլոգիական հետազոտությունների ոլորտը բաժին կընկնի Տյանցզինին, իսկ Հեբեյում, ամենայն հավանականությամբ, կտեղակայվեն ոչ մեծ արտադրությունները։ Մասնագետների կարծիքով` քաղաքի շինարարությունը կխթանի չինական տնտեսության զարգացումը։
Հայտնի է, որ մեգաքաղաքի նախագիծն արդեն արժանացել է Չինաստանի Ժողովրդական Հանրապետության նախագահ Սի Ցզինպինի հավանությանը, սակայն նախագծի իրագործման ժամկետները դեռ հայտնի չեն, քանի որ մինչ այդ պետք է լուծել առնվազն երկու խնդիր` տրանսպորտային հաղորդակցության և հիվանդանոցների ու դպրոցների հարցերը։
ԶԼՄ. Չինաստանն, ամենայն հավանականությամբ, 130 միլիոն բնակչությամբ քաղաք կունենա
© Sputnik / Сергей Субботин
/ Բաժանորդագրվել
Հսկա քաղաքի նախագիծն արդեն արժանացել է ՉԺՀ նախագահ Սի Ցզինպինի հավանությանը, սակայն նախագծի իրագործման ժամկետները դեռ որոշված չեն։
