ԵՐԵՎԱՆ, 21 հուլիսի – Sputnik. Հայ երեխաների, այդ թվում Հայաստանի ծնողազուրկ երեխաների և մանկատների սաների նկարները կարող են ներկայացվել Մոսկվայում կայանալիք «Խաղաղության հրեշտակ» ցուցահանդեսին, հայտնել է «Բարություն առանց սահմանների. Ռուսաստան–Հայաստան» նախագծի ղեկավար, խաղաղության երիտասարդական դեսպան Եկատերինա Մինսաֆինան։
Ծնողազուրկ, սահմանափակ հնարավորություններով, բազմազավակ ընտանիքների երեխաների նկարների «Խաղաղության հրեշտակ» ցուցահանդեսը կանցկացվի հոկտեմբերին Մոսկվայում։ Ցուցահանդեսի կազմակերպիչներից է «Բարություն առանց սահմանների. Ռուսաստան–Հայաստան» նախագիծը։
«Ցուցահանդեսը կկայանա կամ Հանրային պալատում, կամ Դաշնային խորհրդում։ Երեխաների նկարներում պետք է հրեշտակներ պատկերված լինեն։ Մեզ ասացին, որ անհամբեր սպասում են հայ «հրեշտակների» աշխատանքներին», – երեքշաբթի Երևանում մամուլի ասուլիսին ասել է Մինսաֆինան։
Նրա խոսքերով` ցուցահանդեսի բոլոր մասնակիցները մրցանակներ կստանան։ «Մենք չենք ուզում առաջնորդվել «Միանգամից ամեն ինչ տալ» սկզբունքով, մենք ուզում ենք երեխաներին կարթեր տալ և սովորեցնել ինքնուրույն որևէ բան անել», – ասել է Մինսաֆինան։
«Բարություն առանց սահմանների. Ռուսաստան–Հայաստան» նախագծի նպատակն է մանկատների սաներին օգնելը, ինչպես նաև Հայաստանի և Ռուսաստանի միջև բարեկամական հարաբերությունների ամրապնդումը, ռուսատյաց տրամադրությունների կանխումը։
Հայ երեխաները կկարողանան իրենց նկարները ներկայացնել ցուցահանդեսին Մոսկվայում
16:10 21.07.2015 (Թարմացված է: 16:22 21.07.2015)
© Sputnik . Самвел Сепетчян
Բաժանորդագրվել
«Բարությունն առանց սահմանների. Ռուսաստան–Հայաստան» նախագծի ղեկավար, խաղաղության երիտասարդական դեսպան Եկատերինա Մինսաֆինան հուսով է, որ կտանի հայ երեխաների նկարները Մոսկվայում կայանալիք «Խաղաղության հրեշտակ» ցուցահանդեսին։
