Բժիշկները պատրաստվում են շտապ վիրահատել «Ունիվեր» սերիալի աստղ Անդրեյ Գայդուլյանին

ԵՐԵՎԱՆ, 21 հուլիսի – Sputnik. «Ունիվեր» սերիալի աստղ, դերասան Անդրեյ Գայդուլյանը դիմել է ուռուցքաբանների օգնությանը, LifeNews–ի աղբյուրների համաձայն, բժիշկները պատրաստվում են շտապ վիրահատել 31–ամյա դերասանին։

Դերասանը ստիպված է եղել դիմել բժիշկներին, քանի որ առողջական լուրջ խնդիրներ են ի հայտ եկել։ Բուժական առաջնային գործողություններից հետո բժիշկները հիվանդին միանգամից վիրահատության են ուղարկել։ Այս պահին Անդրեյ Գայդուլյանը ուռուցքաբանության կենտրոնի ախտորոշման բաժանմունքում է։

Շտապողականության պատճառը  Գայդուլյանի շնչելու և խոսելու դժվարություններն են։ Բժիշկներն առայժմ դժվարանում են նշել Անդրեյի հիվանդության լրջության աստիճանը։ Ամեն ինչ կպարզվի վիրահատությունից և անհրաժեշտ բոլոր անալիզներից հետո։

Առողջական վիճակի վատացման պատճառով դերասանը ստիպված է եղել չեղյալ հայտարարել Ռուսաստանում նախատեսված մի շարք միջոցառումներ։

Դերասանի պաշտոնական ներկայացուցիչները հրաժարվել են մեկնաբանել իրավիճակը