ԵՐԵՎԱՆ, 20 հուլիսի — Sputnik. Հայկական մեղրի վերամշակման արտադրանքը ռուսական շուկայում իրացման լայն հեռանկարներ ունի, ասաց Հայաստանի մեղվաբույծների միության նախագահ Թելման Նազարյանը։
«Մեղրի վերամշակման արտադրանքը, հատկապես մայրակաթը, որն օժտված է ֆենոմենալ բուժիչ հատկություններով, մասնավորապես` ուռուցքային հիվանդությունների բուժման համար, մեծ պահանջարկ է վայելում Սիբիրում»,– երկուշաբթի ասաց Նազարյանը Sputnik-Արմենիա միջազգային մամուլի կենտրոնում։
Նա ընդգծեց, որ հայ մեղվաբույծները պատրաստ են ամբողջովին ապահովել իրենց պատվիրատուներին տվյալ արտադրանքի անհրաժեշտ ծավալով։
Ընդհանուր առմամբ, Նազարյանի խոսքով, մեղրի վերամշակման արդյունքի` պրոպոլիսի, մեղվաթույնի, մայրակաթի, ծաղկափոշու արտահանումն առավել ձեռնտու է Հայաստանի տնտեսության համար։
Նա նշեց, որ նախորդ տարվա հոկտեմբերից մեղվաբույծների հայկական միությունը ԵՏՄ մեղվաբույծների լիիրավ անդամ է, իսկ միության կազմում են շուրջ 50 կազմակերպություն։
Նազարյանի խոսքով` այդ գործակցության շնորհիվ ստորագրվել է համաձայնագիր Տիմիրյազևի գյուղատնտեսական ակադեմիայի հետ, որը Հայաստան մեղուների համար դեղ է մատակարարում։
Հայաստանի մեղվաբույծների ազգային միության տվյալների համաձայն` հանրապետությունում այսօր գոյություն ունի մոտ 200 հազար մեղվաընտանիք, որոնցից յուրաքանչյուրն արտադրում է մոտ 7-10 կգ մեղր, ինչը 3-4 անգամ պակաս է, քան խորհրդային ժամանակներում։
Միության ղեկավար. ՌԴ շուկան հեռանկարային է հայկական մեղվաբուծության համար
© Sputnik / Самвел Сепетчянпредседатель Национального союза пчеловодов Армении Тельман Назарян
![председатель Национального союза пчеловодов Армении Тельман Назарян председатель Национального союза пчеловодов Армении Тельман Назарян - Sputnik Արմենիա](https://cdn.am.sputniknews.ru/img/20/57/205773_0:30:1100:652_600x0_80_0_0_a90c965e966ec6f17ea21e4b19fb2da4.jpg)
© Sputnik / Самвел Сепетчян
Բաժանորդագրվել
Մեղվաբույծների հայկական միությունը նախորդ տարվա հոկտեմբերից ԵՏՄ մեղվաբույծների միության լիիրավ անդամ է, իսկ միության կազմում 50 կազմակերպություն կա։