ԵՐԵՎԱՆ, 20 հուլիսի – Sputnik. Հայաստանը կողմ է Իրանի լիարժեք ինտեգրմանը միջազգային գործընթացներին, երկուշաբթի ասաց Հայաստանի նախագահ Սերժ Սարգյսանը։
«(Մեր) երկրի առաջնահերթ խնդիրներից է բխում հարևանի` Իրանի Իսլամական Հանրապետության նորմալ զարգացումը և նրա լիարժեք ինտեգրումը միջազգային գործընթացներին»,– ասաց Սարգսյանը Երևանում Եվրախորհրդի ղեկավար Դոնալդ Տուսկի հետ համատեղ ճեպազրույցում։
Ըստ նրա, այդ գործընթացների բարենպաստ ելքը դրական դեր կխաղա տարածքային անվտանգության, կայունության և գործակցության ամրապնդման գործում։
Իրանը և միջազգային միջնորդների «վեցյակը» հուլիսի 14–ին հասել են իրանական ատոմային երկարամյա խնդրի կարգավորմանը։ Բարդագույն բանակցություններն ավարտվել են գործողությունների համապարփակ ծրագրի ընդունմամբ, որի կատարումն ամբողջովին կհանի Իրանի վրայից ՄԱԿ ԱԽ–ի, ԱՄՆ և Եվրամիության` ավելի վաղ սահմանած տնտեսական պատժամիջոցները։
Սարգսյան. Հայաստանը կողմ է Իրանի ինտեգրմանը համաշխարհային գործընթացներին
18:00 20.07.2015 (Թարմացված է: 18:07 20.07.2015)
© Sputnik / Владимир Федоренко
/ Բաժանորդագրվել
Հայ նախագահի խոսքով, Իրանի նորմալ զարգացումը բխում է Հայաստանի շահերից
