ԵՐԵՎԱՆ, հուլիսի 18 – Sputnik. Պետական հեղաշրջման իրականացման հարցում քաղաքացիական հասարակության ինստիտուտների դերի ուսումնասիրության շրջանակներում սոցհարցման մասնակիցների երկու երրորդը կարծում է, որ Հայաստանում հնարավոր չէ գունավոր հեղափոխություն, հայտնել է Միջազգային հումանիտար զարգացման հասարակական կազմակերպության (ՄՀԶՀԿ) նախագահի տեղակալ Ծովինար Կոստանյանը։
«Հարցվածների 67% կարծում է, որ Հայաստանում գունավոր հեղափոխությունն անհնար է, իսկ 72% հայտարարել է, որ չի աջակցի դրա իրականացման փորձին», – շաբաթ մամուլի ասուլիսում ասել է Կոստանյանը։
Այդ թվում նա նշել է, որ հարցվածների ընդհանուր թվից 40% հասարակական կազմակերպություններ են, իսկ 19% պատրաստ են թեկուզ վաղը հանդես գալ գունավոր հեղափոխության պաշտպանության համար
«Քաղաքացիական հասարակության ինստիտուտներ. հնարավո՞ր է արդյոք նրանց օգտագործումը Հայաստանում պետական հեղաշրջում անելու համար» թեմայով ուսումնասիրությունն անցկացվել է այս տարվա մայիս–հունիսին Երևանում և Հայաստանի շրջաններում սոցիոլոգիական հարցման հիման վրա։ Հարցվել է 553 մարդ, որոնց 67%-ը` երիտասարդներ։
Հետազոտության մեջ ուսումնասիրվել է հասարակական կազմակերպությունների փորձը և նրանց դերը Վրաստանում, Ուկրաինայում և Ղրղըզստանում գունավոր հեղափոխությունների կազմակերպման մեջ, ներկայացվել է Հայաստանում հասարակական կազմակերպությունների բնութագիրն ու գործունեությունը, որոնք ֆինանսավորվում են արտասահմանյան գրանտների հիման վրա։
Հարցում. հարցվածների 67% չի հավատում Հայաստանում գունավոր հեղափոխության հնարավորությանը
15:46 18.07.2015 (Թարմացված է: 16:00 18.07.2015)
© Sputnik / Асатур Есаянц
Բաժանորդագրվել
Այս տարվա մայիս–հունիսին Հայաստանում անցկացվել է ուսումնասիրություն «Քաղաքացիական հասարակության ինստիտուտներ. հնարավո՞ր է արդյոք նրանց օգտագործումը Հայաստանում պետական հեղաշրջում անելու համար» թեմայով
