Թերթ. Պերմյակովի գործն օրերս կհանձնեն հայկական կողմին

ԵՐԵՎԱՆ« հուլիսի 18– Sputnik. Վալերի Մերյակովի գործը, ում մեղադրում են Գյումրի քաղաքում յոթ հոգանոց ընտանիքի սպանության մեջ, մի քանի օր անց կհանձնվի հայկական կողմին, շաբաթ օրը գրում է «Հրապարակ» օրաթերթը:

Գյումրիում, որտեղ տեղակայված է ռուսական 102–րդ ռազմակայանը, հունվարի 12–ին վեց հոգանոց ընտանիք էր սպանվել, վիրավորված 6 ամսական տղան մահացել էր հիվանդանոցում մեկ շաբաթ հետո։ Հանցագործության կատարման մեջ կասկածվող ժամկետային զինծառայող Վալերի Պերմյակովը ձերբակալվել էր, և նա ինքնախոստովանական ցուցմունք էր տվել։

Հունիսի 26–ին Հայաստանի նախագահ Սերժ Սարգսյանի և ՌԴ տրանսպորտի նախարար, հայ–ռուսական միջկառավարական հանձնաժողովի համանախագահ Մաքսիմ Սոկոլովի հանդիպման արդյունքում հայտարարվել է, որ Գյումրիում սպանության մասին գործով կզբաղվեն հայկական մարմինները և ատյանները։

Թերթի տեղեկություններով` ռուսական կողմի վերջին հայտարարություններից հետո բարձր մակարդակում բանակցություններ են ընթանում հայկական կողմին գործը հանձնելու ժամկետների և մեխանիզմների մասին:

«Վերջապես, կողմերը եկել են համաձայնության։ Հայաստանի և Ռուսաստանի գլխավոր դատախազությունների միջև ձեռք է բերվել պայմանավորվածություն, որ Պերմյակովի գործը ռուսական քննչական մարմնից անմիջապես կփոխանցվի հայկականին` շրջանցելով դատախազությանը»,– գրում է թերթը։