Մահացած մրցարշավորդ Բյանկիի ընտանիքը շնորհակալ է երկրպագուներին աջակցության համար

ԵՐԵՎԱՆ, 18 հուլիսի — Sputnik. «Ֆորմուլա —1»–ի մրցարշավորդ Ժյուլ Բյանկիի ընտանիքը նրա մահից հետո շնորհակալություն է հայտնել նրա ընկերներին, գործընկերներին և երկրպագուներին վերջին ամիսներին ցուցաբերած աջակցության համար, հայտնում է Р-Спорт–ը։

Շաբաթ օրը հայտնի է դարձել, որ Ճապոնիայի Գրան–պրիի ժամանակ 2014 թվականի հոկտեմբերին տեղի ունեցած վթարից հետո կոմայի մեջ գտնվող Բյանկին մահացել է` գիտակցության չգալով։ Նա 25 տարեկան էր։

«Ժյուլը պայքարում էր մինչև վերջ, նա միշտ էր այդպես անում, բայց այսօր նրա մենամարտն ավարտվեց։ Ցավը, որ մենք զգում ենք, մեծ է և անասելի։ Մենք շնորհակալ ենք Ժյուլի գործընկերներին, նրա ընկերներին, երկրպագուներին և բոլոր նրանց, ովքեր նրա կողքին են եղել վերջին ամիսներին, ինչը մեզ ուժ է տվել և օգնել այդ դժվարին ժամանակներում»,– ասվում է Facebook սոցիալական ցանցում մրցարշավորդի ընտանիքի հրապարակած հայտարարության տեքստում։

«Մենք խնդրում ենք հարգել մեր անձնական կյանքը այս ծանր ժամանակ, երգ փորձում ենք հաշտվել Ժյուլի կորստի հետ»,– ասվում է հայտարարությունում։

Մրցարշավորդի ընտանիքը շնորհակալություն է հայտնել նաև Նիցայի հիվանդանոցին և Ճապոնիայի Միե նահանգին, որտեղ գտնվում էր Բյանկին, և նրան օգնող բոլոր բժիշկներին։

2014 թվականի հոկտեմբերին 5–ին Ճապոնիայի Գրան պրիի մրցավազքի վերջում Բյանկին, ով ներկայացնում էր «Մարուսյան», դուրս է թռել մայրուղուց և բախվել «Զաուբերի» վարորդ Ադրիանա Սուտիլին տեղափոխող էվակուատորին։ Գանգուղեղային վնասվածք ստացած ֆրանսիացին տեղափոխվել է հիվանդանոց Միեի նահանգի հիվանդանոց, որտեղ նրան վիրահատել են։ Նոյեմբերին Բյանկին տեղափոխվել է Նիցայի կլինիկաներից մեկը, որտեղ նա դուրս է բերվել արհեստական կոմայից։