ԵՐԵՎԱՆ, հուլիսի 18– Sputnik. Իրանի գերագույն առաջնորդ Ալի Համենեին շաբաթ օրը հայտարարել է, որ Մերձավոր Արևելքի նկատմամբ Թեհրանի և Վաշինգտոնի քաղաքականությունը չի համընկնում, հաղորդում է ՌԻԱ Նովոստին` հղում անելով իրանական Press TV հեռուստաալիքին։
Ելույթ ունենալով Ռամադան ամսվա ավարտի կապակցությամբ` Համենեին ասել է, որ «տարածաշրջանում (Մերձավոր Արևելք) ԱՄՆ քաղաքականությունն ուղիղ հակադիր է Իրանի քաղաքականությանը»։
Ինչպես հաղորդում է Ռոյթերս գործակալությունը, միաժամանակ Իրանի գերագույն առաջնորդն ընդգծել է, որ Թեհրանը չի պատրաստվում երկխոսություն վարել ԱՄՆ հետ միջազգային հարցերի շուրջ, իսկ իրանական ատոմի մասին բանակցությունները «բացառություն» էին։
Ավելի վաղ իրանական ատոմային խնդրի մասին բարդ բանակցություններն ավարտվել են հաջողությամբ, ընդունվել է գործողությունների պլան, որի կատարումն Իրանի վրայից ամբողջությամբ կհանի նախկինում ՄԱԿ ԱԽ–ի, ԱՄՆ–ի և Եվրամիության կողմից սահմանված տնտեսական և ֆինանսական պատժամիջոցները։
Միջազգային միջնորդների «վեցնյակի» և Իրանի միջև բանակցությունները սկսվել են ավելի քան 10 տարի առաջ։ Եզրափակիչ բանակցային փուլը Վիեննայում տևել է ավելի քան 18 օր։
Համանեի. Մերձավոր Արևելքի հարցում Իրանի և ԱՄՆ քաղաքականությունը ուղիղ հակադիր է
11:18 18.07.2015 (Թարմացված է: 11:27 18.07.2015)
© Sputnik / Сергей Гунеев
/ Բաժանորդագրվել
Իրանի գերագույն առաջնորդ Ալի Համենեին ընդգծել է, որ Իրանը չի պատրաստվում երկխոսություն վարել ԱՄՆ հետ միջազգային հարցերի շուրջ, իսկ իրանական ատոմի մասին բանակցությունները «բացառություն» էին
