ԵՐԵՎԱՆ, 17 հուլիսի – Sputnik. ՌՈՒՍԱԼ ալյումին արտադրող խոշորագույն ընկերությունների կազմում ընդգրկված ԱՐՄԵՆԱԼ փայլաթիթեղի գործարանը 15 տարվա աշխատանքի ընթացքում արտադրել է ավելի քան 230 հազար տոննա արտադրանք, որից մոտ երկու երրորդը` վերջին հինգ տարիներին, հայտնում է ընկերության մամուլի ծառայությունը։
Ձեռնարկության տարեկան արտադրության ծավալն աճել է 2000 թ. 768 տոննայից մինչև մոտ 30 հազար տոննա՝ 2014 թվականին։
«Նման արդյունքի հնարավոր եղավ հասնել ՌՈՒՍԱԼ-ի ներդրումների հաշվին, որոնց ծավալը 15 տարվա ընացքում գերազնցեց 130 մլն դոլարը»,– ասվում է հաղորդման մեջ։
ԱՐՄԵՆԱԼ-ի համար առավել արգասաբեր դարձան 2010-2015 թվականները: Այս ժամանակահատվածում արտադրության ծավալները և մեկ աշխատողին բաժին ընկնող արտադրանքը աճեցին 1,5 անգամ, փայլաթիթեղի հաստությունը նվազեց 17,5 միկրոնից մինչր 13 միկրոն, արտաքին խոտանը նվազեց 22,5 անգամ, իսկ միջին ամսական աշխատավարձ աճեց ավելի քան 2 անգամ՝ մինչև 370 հազար դրամ:
Ինչպես ասաց ԱՐՄԵՆԱԼ-ի գլխավոր տնօրեն Վյաչեսլավ Սինելնիկովը, 2015-2016 թվականներին ձեռնարկությունը կավարտի «Ռազմավարություն 33 600 տոննա»-ի իրագործումը:
«Ներկայում մշակվում է «ԱՐՄԵՆԱԼ – 40 000» ծրագիրը: Այս բարձր ցուցանիշին գործարանը նախատեսում է հասնել 2017-2020 թվականներին»,– ասաց նա։
ԱՐՄԵՆԱԼ-ը ստեղծվել է Երևանում ՌՈՒՍԱԼ ընկերության կողմից 2000 թ. Քանաքեռի ալյումինի գործարանի հիմքի վրա, այն Հայաստանի խոշորագույն արտադրական ձեռարկություններից է, Կովկասում և Կենտրոնական Ասիայում փայլաթիթեղի միակ արտադրողը: ՍԱՅԱՆԱԼ, «Ուրալսկայա ֆոլգա», «Սայանսկայա ֆոլգա» գործարանների հետ կազմում է ՌՈՒՍԱԼ-ի Փաթեթավորման դիվիզիոնը:
ԱՐՄԵՆԱԼ գործարանն ավելի քան 230 հազ. տոննա արտադրանք է տվել 15 տարվա աշխատանքի ընթացքում
© Sputnik / Александр Кряжев
/ Բաժանորդագրվել
Ներկայում մշակվում է «ԱՐՄԵՆԱԼ – 40 000 տոննա» ծրագիրը։ Այդ բարձր ցուցանիշին գործարանը մտադիր է հասնել 2017-2020 թվականներին, ասաց գործարանի գլխավոր տնօրեն Վյաչեսլավ Սինելնիկովը։
