Երեքշաբթի ԱՄՆ Նյու Ջերսի նահանգի Ստաֆորդի ոստիկանության բաժինը տեսանյութ է հրապարակել, որը ֆիքսել էր տեսահսկող սարքը։ Տեսանյութում ինքնաթիռը վայրէջք է կատարում ավտոմայրուղու երկու գծերի արանքում գտնվող գազոնի վրա։
Ինչպես հայտնում է Ruptly գործակալությունը, ինքնաթիռը, որի մեջ գտնվում էին պարաշուտային սպորտի դպրոցի ուսանողները, կառավարումը կորցրել է օդում։ Օդաչուն ստիպված է եղել ինքնաթիռը իջեցնել Ստոֆորդի 72-րդ մայրուղու վրա։
Տեղական ոստիկանության տվյալներով` վթարային վայրէջքը բարեհաջող է անցել, ինքնաթիռը ավտոճանապարհի վրա գտնվող ոչ մի մեքենայի նույնիսկ չի դիպել, ուղևորներն ու անձնակազմը նույնպես ողջ և անվնաս են։
